Respublika ma’naviyat va ma’rifat markazi Peshku tumani bo‘limi tomonidan yil davomida sohada amalga oshirilayotgan ishlar to‘g‘risida.
2026-02-03 16:50:00 / Peshku tumanida o'tkazilgan Brifinglar
Mazkur muammolarning oldini olish, jamiyatda sog‘lom ma’naviy muhitni mustahkamlash hamda “maromiylik” tamoyillariga asoslangan hayot tarzini qaror toptirish bugungi kunning dolzarb vazifasi hisoblanadi.
O‘zbekiston Respublikasi Prezidenti Shavkat Mirziyoyev raisligida 2025 yil 14 oktabr kuni o‘tkazilgan videoselektor yig‘ilishida mahalla tizimini yangi bosqichga olib chiqish, aholining ijtimoiy muammolarini tizimli hal qilish, jamiyatda sog‘lom ma’naviy muhitni mustahkamlash hamda fuqarolarning ongida islohotlarga daxldorlik va mas’uliyat tuyg‘usini kuchaytirish bo‘yicha muhim vazifalar belgilab berildi.
Shuningdek, Vazirlar Mahkamasining 2025 yil 16 sentyabrdagi “Umumiy ovqatlanish korxonalarida hosil bo‘ladigan oziq-ovqat chiqindilaridan samarali foydalanish va ularning atrof-muhitga salbiy ta’sirini kamaytirish hamda ortiqcha isrofgarchiliklarning oldini olish chora-tadbirlari to‘g‘risida”gi 589-sonli qarori imzolandi.
Jamiyatda aynan maromiylik madaniyatini keng targ‘ib etish orqali fuqarolarda me’yorni saqlash, ortiqcha isrofgarchilikdan tiyilish, shukronalik va bag‘rikenglik kabi yuksak insoniy fazilatlarni hayot mezoniga aylantirish, natijada jamiyatda totuvlik, hamjihatlik va ma’naviy barqarorlikni ta’minlashga erishish ko‘zda tutilmoqda.
Shu maqsad yo‘lida kuchlar birlashtirilib, Respublika Ma’naviyat va ma’rifat markazi tuman bo‘linmasi, O‘zbekiston mahallalari uyushmasi tuman bo‘limi, Din ishlari bo‘yicha qo‘mita, O‘zbekiston musulmonlari idorasi vakillari, Oila va xotin-qizlar qo‘mitasi tuman bo‘limi, “Nuroniy” jamg‘armasi tuman bo‘limlari va boshqa manfaatdor tashkilotlar hamkorligida jamiyatda maromiylik kayfiyatini shakllantirishga qaratilgan ma’naviy-ma’rifiy targ‘ibot tadbirlarini o‘tkazish bo‘yicha chora-tadbirlar dasturi ishlab chiqildi. Unga ko‘ra, tumandagi mavjud 36 ta mahllalarda targ‘ibot ishlarida dolzarb 90 kunligi belgilab olindi. Shu munosabati bilan tumandagi barcha mahalallarda aholi vakillari ishtirokida targ’ibot tadbirlari o’tkazildi.
Mazkur tashabbus jamiyatda sog‘lom ma’naviy muhitni mustahkamlash, ortiqcha isrofgarchilikning oldini olish va milliy qadriyatlarimizga asoslangan me’yoriy hayot tarzini shakllantirishga xizmat qiladi.