RASMIY MUNOSABAT
2025-12-23 10:15:00 / Yangiliklar
Бухоро вилояти Пешку тумани Туркистон МФЙ Обод Турмуш қишлоғида яшовчи фуқаро Гадоева Зулайхонинг https://t.me/komporuz телеграмм группасига ёзган мурожаати юзасидан
МАЪЛУМОТ
Пешку туман ҳокимининг 2021 йил 5 майдаги 356-сонли “Туркистон МФЙ “Обод Турмуш” аҳоли пункти ҳудудидан “Sarvarbek Bahor
G‘unchalari” НТМга 120 ўринли “Хусусий мактабгача таълим муассасаси” биноси қуриш учун, лойиҳа тайёрлаш ва ер майдони ажратиш тўғрисида”ги 356-сонли қарорига асосан “Sarvarbek Bahor G‘unchalari” НТМга “Хусусий мактабгача таълим муассасаси” биноси қуриш учун 0.17 гектар (1700,0 кв.м) ер майдони ажратилган ҳамда тадбиркор томонидан “Давлат-хусусий шериклик тўғрисида”ги қонунига мувофиқ “Давлат-хусусий шериклик тўғрисида”ги битим имзолангандан сўнг “Архитектрура режалаштириш топшириғи” (АРТ-1-2) ва тасдиқланган лойиҳа ҳужжатларига асосан қурилиш-монтаж, ободонлаштириш ишларини белгиланган муддатда бажариши қайд этилган.
Пешку туман фавқулодда вазиятлар бўлими ҳамда Туман СЭО ва ЖСБ томонидан ушбу ер майдонида Хусусий мактабгача таълим муассасаси қуриш бўйича ижобий хулоса берган.
Ушбу ер майдони Давлат кадастрлар палатаси Бухоро вилояти бошқармасининг 2021 йил 7 сентябрдаги №1706240/R-A2052389-сонли реестр рақами билан 20:06:07:03:03:0318-сонли кадастр рақами билан “Sarvarbek Bahor G‘unchalari” НТМга расмийлаштирилган.
“Мега-ахиал” МЧЖ томонидан 4510,1 млн.сўмга 120 ўринли хусусий мактабгача таълим муассасаси қуриш бўйича лойиҳа-смета ҳужжатлари ишлаб чиқилган ҳамда “QURILISH IQTISOD EKSPERTIZA” МЧЖ томонидан 2021 йил 16 августда №148/21-сонли эксперт хулосаси берилган.
Бухоро вилояти мактабгача таълим бошқармасининг 2022 йил 18 июлда З.Гадоевага йўллаган 03/2-1352-сонли хатида фуқаро З.Гадоева вилоят ҳокими томонидан 2021 йил 15 июлда Ромитан туманида ўтказилан сайёр қабулда мурожаат қилганлиги ҳамда Ўзбекистон Республикаси Президентининг
2021 йил 10 июндаги “Қамров даражаси паст бўлган туманларда мактабгача таълим ташкилотлари тармоғини кенгайтириш бўйича қўшимча
чора-тадбирлар тўғрисида”ги ПҚ-5144-сонли қарорига асосан 2021 йил
1 июлдан бошлаб давлат хусусий шериклик асосидаги нодавлат мактабгача таълим ташкилотларини қўллаб-қувватлаш, уларнинг молиявий ҳолатини яхшилаш ҳамда моддий-техник базасини мустаҳкамлаш учун мазкур қарорнинг 1-иловасида белгиланган туманларда 7 йил муддатга 2 йиллик имтиёзли давр билан 5 фoиз ставкада кредитлар ажратилиши белгиланганлиги, қарор иловасига Пешку тумани киритилмаганлиги қайд этилган. (Бухоро вилоятидан фақат Бухоро ва Когон туманлари киритилган) Шунингдек, мазкур хатда фуқаро З.Гадоева томонидан тайёрланган келишув битимида давлат-хусусий шерикчилик асосида мактабгача таълим ташкилотини ташкил этиш назарда тутилганлиги, ваҳоланки Пешку туман ҳокими қарори билан “Хусусий мактабгача таълим муассасаси” қуриш учун ер ажратилганлиги ҳамда тегишли ҳужжатлар тақдим этилган ҳолда тижорат банкларидан мустақил равишда кредит олиниши мақсадга мувофиқлиги белгиланган.