Tadbirning tantanali ochilish marosimida O‘zbekiston Respublikasi Bosh vaziri Abdulla Aripov va Birlashgan Arab Amirliklari Hukumat ishlari vaziri Muxammad al-Gergavi ishtirok etib, ikki mamlakatning hamkorlik yo‘nalishlari va istiqbollari haqida fikr yuritdi.

Ta’kidlanganidek, so‘nggi yillarda ikki tomonlama munosabatlar keng qamrovli hamkorlik darajasiga ko‘tarildi.

Bunga Davlatlarimiz rahbarlari – O‘zbekiston Respublikasi Prezidenti Shavkat Mirziyoyev va Birlashgan Arab Amirliklari Prezidenti Shayx Muhammad bin Zoid Ol Nahayon mustahkam asos yaratib berdilar.

So‘ngi yillarda mamlakatlarimiz o‘rtasida barcha sohalar qatori davlat boshqaruvi tizimida samarali hamkorlik amalga oshirilmoqda.

Amirliklar bilan mazkur yo‘nalishdagi hamkorligimiz izchil rivojlanib bormoqda.

Ayniqsa, “Bir million dasturchilar”, “Yosh liderlar”, “M-Gov Award”, “Islohotlar Akselleratori” kabi loyihalar muvaffaqiyatli hamkorligimizning natijasidir.

Ma’lumki, Prezidentimiz Shavkat Mirziyoyev samarali davlat boshqaruvini ta’minlash Yangi O‘zbekiston islohotlarining asosiy yo‘nalishlaridan biri sifatida belgilab bergan.

O‘zbekistonda davlat organlarining samarali faoliyat yuritishini ta’minlash sohasida Birlashgan Arab Amirliklari va xalqaro tajribalarni joriy etish maqsadida amalga oshirilayotgan mazkur Dasturda davlat organlari xodimlarining salohiyatini mustahkamlash, ma’muriy resurslarning maqbul taqsimlanishini ta’minlash, milliy strategik rivojlanish maqsadlariga erishish uchun idoralar orasidagi hamkorlikni takomillashtirish ko‘zda tutilgan.

Dastur davomida Birlashgan Arab Amirliklari Bosh vaziri devonxonasining 36 nafar eksperti tomonidan Respublikaning 17 ta vazirligi va ularning 85 nafar xodimlarini 8 ta nominatsiya bo‘yicha baholash jarayoni muvaffaqiyatli yakunlandi.

Dastur ishtirokchilari “Namunali vazirlik”, “Eng yaxshi tashabbus” va “Eng yaxshi loyiha” yo‘nalishlarida hamda bir nechta individual kategoriya kesimida qatnashishdi.

Marosim so‘nggida g‘oliblarga hamkorlarning Dilpom va estalik sovg‘alari topshirildi.
 

“O‘zbekiston davlat organlari faoliyati samaradorligini baholash” dasturi g‘olib va sovrindorlari

I. INSTITUSIONAL NOMINATSIYALAR G‘OLIB VA SOVRINDORLARI

I. NAMUNALI VAZIRLIK

1-o‘rin — Adliya vazirligi
2-o‘rin — Qishloq xo‘jaligi vazirligi,
3-o‘rin — Raqamli texnologiyalar vazirligi

II. STRATYEGIK MAQSADLARNI AMALGA OSHIRISHDA

1-o‘rin — Sog‘liqni saqlash vazirligi
2-o‘rin — Raqamli texnologiyalar vazirligi
3-o‘rin — Oliy ta’lim, fan va innovatsiyalar vazirligi

III. FUNKSIYA, XIZMAT VA INNOVATSIYALARNI AMALGA OSHIRISHDA

1-o‘rin — Adliya vazirligi
2-o‘rin — Qishloq xo‘jaligi vazirligi
3-o‘rin — Oliy ta’lim, fan va innovatsiyalar vazirligi

IV. INTYEGRATSIYALASHGAN MEXANIZMLAR SOHASIDAGI NAMUNALI VAZIRLIK

1-o‘rin — Adliya vazirligi
2-o‘rin — Qishloq xo‘jaligi vazirligi
3-o‘rin — Madaniyat vazirligi

V. ENG YAXSHI TASHABBUS

1-o‘rin —  “IT park” tashabbusi, “IT park” direksiyasi
2-o‘rin —  “Yoshlar texnoparki” tashabbusi, Oliy ta’lim, fan va innovatsiyalar vazirligi
3-o‘rin —  “AKIS-qishloq ho‘jaligi xizmatlari” tashabbusi, Qishloq xo‘jaligi vazirligi

VI. ENG YAXShI LOYIHA

1-o‘rin — “Qishloq xo‘jaligi xoldinglarini tashkil etishni qo‘llab-quvvatlash orqali aholi bandligi va daromadlarini oshirish” loyihasi, Qishloq xo‘jaligi vazirligi
2-o‘rin — “Amu-Buxoro irrigatsiya tizimini qayta tiklash” loyihasi, Suv xo‘jaligi vazirligi
3-o‘rin —  “Bir million o‘zbek dasturchilari” loyihasi, Raqamli texnologiyalar vazirligi

II. Individual nominatsiyalar g‘olib va sovrindorlari

I. NAMUNALI VAZIR O‘RINBOSARI

1-o‘rin — Sherzod Rabiyev, Adliya vaziri o‘rinbosari
2-o‘rin — Ilhom Norkulov, Iqtisodiyot va moliya vaziri o‘rinbosari
3-o‘rin —  A’zam Kadirhodjayev, Tog‘-kon sanoati va geologiya vaziri o‘rinbosari

II. NAMUNALI BOSHQARUV XODIMI

1-o‘rin — Jamshid Abduzuxurov, Qishloq xo‘jaligi vazirligi xodimi
2-o‘rin — Anvar Raupov, Energetika vazirligi xodimi
3-o‘rin — Zarifjon Ashurov, Sog‘liqni saqlash vazirligi xodimi

III. MUROJAATLAR BILAN ISHLASH VA XIZMAT KO‘RSATISH BO‘YICHA NAMUNALI XODIM

1-o‘rin — Jaloliddin Asamutdinov, Sog‘liqni saqlash vazirligi xodimi
2-o‘rin — Obidjon Mo‘minov,  Qurilish va uy-joy kommunal xo‘jaligi vazirligi xodimi
3-o‘rin — Shaxbozbek Xakimov, Qishloq xo‘jaligi vazirligi xodimi

IV. NAMUNALI IXTISOSLASHGAN XODIM

1-o‘rin — Sherimbetov Xalilulla, Ekologiya, atrof-muhitni mohofaza qilish va iqlim o‘zgarishi vazirligi xodimi
2-o‘rin — Otabek Xaqberdiyev, Adliya vazirligi xodimi
3-o‘rin — Nosir Shukurov, Tog‘-kon sanoati va geologiya vazirligi xodimi

V. NAMUNALI HUDUDIY BOSHQARMA XODIMI

1-o‘rin — Asror Rustamov, Tog‘-kon sanoati va geologiya vazirligi xodimi
2-o‘rin — Axtam Daliyev, Oliy ta’lim, fan va innovatsiyalar vazirligi xodimi