"Ali Qushchi” spektakli Qozog‘istonning “Orteka” VII xalqaro qo‘g‘irchoq teatrlari festivalida namoyish etildi
2025-05-25 09:25:00 / Yangiliklar
Samarqand viloyati qo‘g‘irchoq teatri jamoasi “Ali Qushchi” spektakli bilan 21-25-may kunlari Qozog‘istonning Olmaota shahridagi “Orteka” VII xalqaro qo‘g‘irchoq teatrlari festivalida ishtirok etdi.
Festivalning tantanali ochilish marosimida, madaniy chiqishlar hamda mahorat darslari, yetakchi aktyor va rejissyorlar ishtirokida davra suhbati ham o‘tkazildi.
Shuningdek, festivalda Qozog‘iston, Gruziya, Turkiya, O‘zbekiston va Ozarbayjon qo‘g‘irchoq teatrlarining eng yaxshi spektakllari mehmonlarga, bolalar va kattalar uchun taqdim etildi.
Festival dasturiga ko‘ra, ishtirokchilar orasida birinchi bo‘lib Samarqand viloyati qo‘g‘irchoq teatrida sahnalashtirilgan "Ali Qushchi" spektakli namoyish etildi.