#Kino #Premyera. “Adolat” filmining katta premyerasi bo‘lib o‘tdi
2025-01-10 09:05:00 / Yangiliklar
O‘zbekiston Milliy kino san’ati saroyida O‘zbekiston Respublikasi Madaniyat vazirligi huzuridagi Kinematografiya agentligi buyurtmasi asosida O‘zbekiston Respublikasi Bosh prokuraturasi bilan hamkorlikda, “Fan Entertainment” kinostudiyasi tomonidan suratga olingan “Adolat” badiiy filmining katta premyerasi bo‘lib o‘tdi.
Tadbirda Kinematografiya agentligi rahbariyati, film ijodkorlari, yurtdoshlarimiz hamda ommaviy axborot vositalari vakillari ishtirok etishdi. Kinematografiya agentligining Kinoloyihalar bilan ishlar boshqarmasi boshlig‘i Jo‘rabek Ro‘zmetov mazkur filmning mazmuni hamda ahamiyati xususida so‘z yuritdi.
Ushbu filmda o‘z ishiga sadoqatli va professionalizmi, kishilar taqdiriga jonkuyarlik bilan yondashuvchan huquq-tartibot xodimlari haqida hikoya qilinadi. Filmda bosh rollarni Ra’no Shodiyeva, Matyoqub Matchonov, Bobur Yo‘ldoshev, Shaxsanem Abdijamilova, Umid Xo‘jayev va boshqa taniqli aktyor va aktrisalar ijro etishgan. Ssenariy muallifi Ulug‘bek Abdusagatov, postanovkachi rejissyorlar Ilhom Muhammadibragimov, postanovkachi operatorlar Hasan va Husan Atabayevlar, prodyuser Baxtiyor Fattohov.
Yaqin kunlarda ushbu filmni O‘zbekiston Milliy kino san’ati saroyida tomosha qilishingiz mumkin.