Diqqat, diqqat! Moskva shahrida “Vecher zvyozd Uzbekistana” nomli o‘zbek san’ati ustalari ishtirokida konsert dasturi bo'lib o'tadi
2024-11-15 14:10:00 / Yangiliklar
O‘zbekiston Respublikasi Madaniyat vazirligi tomonidan Rossiya Federatsiyasida “O‘zbekiston madaniyati kunlari”ning namoyishi o‘tkaziladi.
Shu munosabat bilan, 19-noyabr kuni soat 19:00da Moskva shahridagi Kreml davlat saroyida “Vecher zvyozd Uzbekistana” nomli o‘zbek san’ati ustalari ishtirokida konsert dasturi namoyishi rejalashtirilgan bo‘lib, unda O‘zbekiston Qahramoni Munojot Yo‘lchiyeva, O‘zbekiston xalq artistlari Ozodbek Nazarbekov, Farrux Zokirov, Ramiz Usmonov, Gulsanam Mamazoitova, Oygul Nodirova, O‘zbekistonda xizmat ko‘rsatgan artistlar Ozoda Nursaidova va Ilyos Arabov, opera xonandasi Shirin Mamatova, O‘zbekiston xalq artisti Kamoliddin O‘rinboyev boshchiligidagi O‘zbekiston davlat simfonik orkestri hamda Mukarrama Turg‘unboyeva nomidagi “Bahor” davlat raqs ansambli ishtirok etadi.
Konsertga kirish uchun chiptalarni quyidagi saytdan olish mumkin: www.kremlinpalace.org
Barchani unutilmas konsert dasturiga taklif etamiz!