Poytaxtda “Jonim fido bo‘lsin Andijonimga” deb nomlangan konsert dasturi bo‘lib o‘tdi
2026-05-22 17:50:00 / Yangiliklar
Kuni kecha poytaxtdagi Turkiston san’at saroyida Andijon viloyatidagi 7- sonli musiqaga ixtisoslashtirilgan maktab-internatining “Jonim fido bo‘lsin Andijonimga” nomli yillik hisobot konserti bo‘lib o‘tdi.
Tadbirda, madaniyat vaziri Ozodbek Nazarbekov, madaniyat va san’at sohasi vakillari, vazirlik tasarrufidagi ta’lim muassasalarining pedagog xodimlari hamda ota-onalar ishtirok etishdi.
Konsert dasturi davomida ta’lim muassasalarining turli yo‘nalishlarida tahsil olayotgan o‘quvchilar 30 ga yaqin milliy va xorijiy asarlarni ijro etishib, o‘z iste’dod va mahoratlarini namoyon qildilar.
Ushbu hisobot konsert dasturi ilk marotaba poytaxtdagi Turkiston san’at saroyida tashkil etilgan bo‘lib, kelgusida ham bu kabi hisobot konsertlarini tashkil etish rejalashtirilgan.
Ma’lumot o‘rnida, Andijon viloyatidagi 7-sonli musiqaga ixtisoslashtirilgan maktab-internatida 450 nafardan ortiq o‘quvchilar tahsil olmoqda.