O‘zbekiston Respublikasi Madaniyat vazirligi

Xabaringiz bor, ayni kunlarda Surxondaryo viloyatining Boysun tumanida “Boysun bahori” xalqaro folklor festivali bo‘lib o‘tmoqda.

 

Festival joriy yilning 1-7-may kunlari Boysun tumani "Bibishirin" mahallasida joylashgan turizm majmuasida bo‘lib o‘tmoqda.

 

Kecha, 3-may kuni xalqaro festivalning folklor yo‘nalishi hamda milliy xalq o‘yinlari va tomosha san’ati yo‘nalishi g‘oliblari taqdirlandi.

 

"Boysun bahori" festivalining folklor san’ati yo‘nalishida quyidagilar g‘oliblikni qo‘lga kiritishdi:

 

• 1-o‘rin - "Boysun" folklor-etnografik jamoasi - O‘zbekiston Respublikasi, Surxondaryo viloyati; 

 

• 2-o‘rin - "Jondor" folklor-etnografik jamoasi - O‘zbekiston Respublikasi, Buxoro viloyati;

 

• 2-o‘rin - "Belaruski gassines" jamoasi - Belarus Respublikasi;

 

• 3-o‘rin - "Xushanzamon" folklor-etnografik xalq jamoasi - O‘zbekiston Respublikasi, Navoiy viloyati;

 

• 3-o‘rin - "Shaamemastana Bazm Boyz" jamoasi - Pokiston Islom Respublikasi;

 

• 3-o‘rin - "Ko‘zmunchoq" folklor-etnografik jamoasi - O‘zbekiston Respublikasi, Toshkent viloyati.

 

Nominatsiyalar bo‘yicha:

 

• Milliy qadriyatlarni yuksak mahorat bilan ijro etganligi uchun - "Kifti-ob ohanglari" folklor-etnografik jamoasi - O‘zbekiston Respublikasi, Qashqadaryo viloyati;

 

• Tomoshabinlar e’tirofiga sazovor deb topilgan eng yaxshi folklor jamoasi - "Dilgir" xalq  raqs ansambli - Qirg‘iz Respublikasi;

 

• Folklor san’ati namoyishida cholg‘u ijrochiligini yuksak mahorat bilan namoyon etganligi uchun - "Barkon Dance Ensemble" jamoasi - Vengriya;

 

• Milliy urf-odatlar ruhini sahnada yuksak badiiy saviyada aks ettirgan eng jozibador ijro uchun - "The London International Klezmer Experience" jamoasi - Buyuk Britaniya;
•  
• Qo‘shiqlar va ijro orqali yuksak san’at darajasini ifoda etgani uchun - "Kyklos" an’anaviy raqs ansambli - Gretsiya.

 

Milliy xalq o‘yinlari va tomosha san’ati yo‘nalishi g‘oliblari taqdirlandi.

 

Shuningdek, milliy xalq o‘yinlari va tomosha san’ati yo‘nalishi bo‘yicha quyidagilar g‘oliblikni qo‘lga kiritishdi:

 

• 1-o‘rin - "Bog‘don" folklor-etnografik xalq jamoasi - O‘zbekiston Respublikasi, Jizzax viloyati;

 

• 2-o‘rin - "Radoves" folklor jamoasi - Rossiya Federatsiyasi;
• 2-o‘rin - "Meros" folklor-etnografik xalq jamoasi - Qoraqalpog‘iston Respublikasi;

 

• 3-o‘rin - "Zilol" folklor-etnografik xalq jamoasi - O‘zbekiston Respublikasi, Andijon viloyati;
• 3-o‘rin - "Xorazm" folklor-etnografik xalq jamoasi - O‘zbekiston Respublikasi, Xorazm viloyati;
• 3-o‘rin - "Tumor" etno folklor jamoasi - Qozog‘iston Respublikasi.

 

Nominatsiyalar bo‘yicha:

 

• Milliy qadriyatlarni aks ettirgan tomosha dasturi uchun - "Sayxun yigitlari" folklor-etnografik xalq jamoasi - O‘zbekiston Respublikasi, Sirdaryo viloyati;

 

• Maydon tomosha san’atining eng mohir ijrosi uchun - "Surxon dorbozlari" guruhi - O‘zbekiston Respublikasi, Surxondaryo viloyati.

 

• Eng namunali jamoaviy ijro va sahnaviy uyg‘unlik uchun - "Ohangrabo" folklor-etnografik xalq jamoasi - O‘zbekiston Respublikasi, Toshkent shahri;

 

• An’anaviy o‘yin va tomoshalarni saqlash, rivojlantirish va targ‘ib etishga qo‘shgan munosib hissasi uchun – "Ki Ageng Ganjur" milliy ansambli - Indoneziya;

 

• Milliy an’ana va urf-odatlarni badiiy va sahnaviy talqinda mukammal ifoda etganligi uchun - "Farg‘ona gavhari" folklor-etnografik xalq jamoasi - O‘zbekiston Respublikasi, Farg‘ona viloyati.

 

Ma’lumot o‘rnida, 2001-yilda UNESCO tomonidan Boysun madaniyati insoniyatning og‘zaki va nomoddiy madaniy merosi durdonasi deb e’tirof etilgan. Bunda Boysun 19 ta nominatsiya bo‘yicha jahon hamjamiyatining madaniy merosi obyektlari orasidan tanlab olingan. 2008-yilda UNESCOning Insoniyatning nomoddiy madaniy merosi Reprezentativ ro‘yxatiga kiritilgan.

Ilk bor 2002-yil may oyida O‘zbekiston, Tojikiston va Qirg‘iziston xalq ijrochilarining ilk ochiq folklor festivali bo‘lib o‘tgan. Nafaqat o‘zbekistonliklarning, balki xorijliklarning ham e’tiborini tortgan festival 2005-yilga kelib ayrim sabablarga ko‘ra to‘xtab qolgan va 11 yil davomida o‘tkazilmagan. Lekin 2016-yildan e’tiboran qayta o‘tkazila boshlangan. Pandemiya davrida, ya’ni 2020—2021-yillar oralig‘ida takror to‘xtatilgan. 2022-yildan boshlab har ikki yilda bir marta tashkillashtiriladigan bo‘ldi.

 

2026-yilda bo‘lib o‘tayotgan festivalda 40 dan ortiq davlatlardan 100 dan ortiq folklor jamoalari ishtirok etmoqda.

 

“Boysun bahori” xalqaro folklor festivali davom etmoqda.