Poytaxtda “O‘zbek dorbozlari va polvonlari” Respublika ko‘rik-tanlovi bo‘lib o‘tdi
2026-05-01 20:30:00 / Yangiliklar
Toshkent shahridagi “Navro‘z” bog‘ida ustazoda polvon Tursunali Mamajonov xotirasiga bag‘ishlangan “O‘zbek dorbozlari va polvonlari” Respublika ko‘rik-tanlovi bo‘lib o‘tdi.
Mazkur ko‘rik-tanlov O‘zbekiston Respublikasi Madaniyat vazirligi hamda Madaniyatshunoslik va nomoddiy madaniy meros ilmiy-tadqiqot instituti tomonidan tashkil etildi.
Tanlovda respublikamizning barcha hududlaridan tashrif buyurgan 55 ta dorbozlik va polvonlik jamoalari ishtirok etib, o‘z san’atlarini namoyish etdilar.
Yakuniy natijalarga ko‘ra:
Oliy o‘rin — Farg‘ona viloyati “Shohimardon tongi” xalq dorbozlik jamoasi;
1-o‘rin — Namangan viloyati “Kosonsoy dorbozlari” xalq dorbozlar jamoasi;
2-o‘rin — Andijon viloyati “Dadamirza polvon” dorbozlar guruhi hamda Farg‘ona viloyati “O‘ktam dorboz” xalq dorbozlar jamoasi;
3-o‘rin — Andijon viloyati “Ustazoda” xalq dorbozlar jamoasi, Farg‘ona viloyati “Qo‘qon Minori” xalq dorbozlar jamoasi hamda Farg‘ona viloyati “Oltin vodiy” xalq dorbozlar jamoasi.
Ko‘rik-tanlov milliy dorbozlik va polvonlik an’analarini asrab-avaylash, ularni keng targ‘ib etish hamda soha vakillarini qo‘llab-quvvatlashga xizmat qiladi.