O‘zbekiston Respublikasi Madaniyat vazirligi

Kuni kecha O‘zbekiston va Ozarbayjon Madaniyat vazirliklari huzurida tuzilgan ishchi guruhning ilk majlisi onlayn tashkil etildi.

Majlisda vazirlikling Xalqaro hamkorlik va reytinglar bilan ishlash, Investitsiyalarni jalb qilish va davlat-xususiy sheriklikni rivojlantirish, Konsert-tomosha  faoliyatini rivojlantirish, Teatr, sirk san’ati va kinematografiya sohasi, Ta’lim sohasini muvofiqlashtirish bo‘linmalar vakillari qatnashdi.

Shuningdek, Ozarbayjon tomonidan xalqaro hamkorlik, innovatsiya va kreativ iqtisodiyot, badiiy tadbirlar, kino yo‘nalishlariga oid tarkibiy bo‘linmalar vakillari qatnashdi.

Majlisda ikki vazirlik o‘rtasida 2025-yilda imzolangan "O‘zbekiston Respublikasi va Ozarbayjon Respublikasi o‘rtasida diplomatik munosabatlar o‘rnatilganiga 30 yil to‘lishi munosabati bilan Kompleks tadbirlar rejasi" va "O‘zbekiston Respublikasi Madaniyat vazirligi va Ozarbayjon Respublikasi Madaniyat vazirligi o‘rtasida hududlararo madaniy hamkorlikni rivojlantirish Yo‘l xaritasi" bandlarining amalga oshirilish holati tahlil qilindi.

Yo‘nalishlar bo‘yicha mas’ullar so‘z olib, bugungi kunga qadar qilingan ishlar va kelgusidagi vazifalar yuzasida ma’lumot berdilar.

Hujjatlar bandlarini o‘z vaqtida va sifatli ijro etishga, ishchi guruhning navbatdagi majlisini joriy yil aprel oyida tashkil etishga kelishib olindi.