Respublika tashkilotlarida haftaning payshanba kuni “Yoshlar kuni” sifatida o‘tkazildi
2026-02-27 11:50:00 / Yangiliklar
O‘zbekiston Respublikasi Prezidentining 2026-yil 24-fevral kuni yoshlar bilan muloqoti davomida bildirgan tashabbusiga muvofiq, vazirlik, idora va tashkilotlarda har payshanba kuni “Yoshlar kuni”ni o‘tkazish yoshlarning muammolarini o‘rganish va hal etish vazifasi belgilandi.
Yoshlar kuni munosabati bilan joriy yilning 26-fevral kuni vazirlik tasarrufidagi tizim tashkilotlar hamda Oliy ta’lim muassasalarida yoshlar ishtirokida “Rahbar va yoshlar” uchrashuvlari yuqori saviyada tashkil etildi.
Jumladan, O‘zbekiston davlat san’at va madaniyat institut, Botir Zokirov nomidagi milliy estrada san’ati instituti, O‘zbek milliy akademik drama teatri, O‘zbekiston davlat yosh tomoshabinlar teatri hamda bir qator respublika tashkilot rahbarlari yoshlar bilan uchrashuvlar o‘tkazdi.
O‘tkazilgan uchrashuvlarda jami 500 nafarga yaqin yoshlar ishtirok etdi. Yoshlar tomonidan bildirilgan taklif, tashabbus va muammolar atroflicha o‘rganilib, rahbarlar tomonidan ijobiy hal etish choralari ko‘rilishi belgilab olindi.