O‘zbekiston Respublikasi Madaniyat vazirligi

Bugun, 3-fevral kuni madaniyat vaziri Ozodbek Nazarbekov madaniyat va san’at sohasini raqamlashtirish hamda AIni rivojlantirishga doir amalga oshirilgan ishlar hamda ustuvor vazifalar taqdimoti bilan tanishdi.

Loyiha taqdimotida vazir o‘rinbosari Murodjon Majidov, vazirlik markaziy apparatining tegishli boshqarma va bo‘lim boshliqlari hamda Yunus Rajabiy nomidagi O‘zbek milliy musiqa san’ati instituti rektori Eldor Shermanov ishtirok etdi.

Dastavval “Cholg‘u.uz” mobil ilovasi bilan tanishildi. Unda, ta’lim jarayonida mobil ilovaning foydalanish uchun qulayliklari va afzalliklari haqida Yunus Rajabiy nomidagi O‘zbek milliy musiqa san’ati instituti rektori Eldor Shermanov ma’lumot berdi.

So‘ng, vazirlikning Raqamlashtirish va sun’iy intellektni rivojlantirish boshqarmasi boshlig‘i Jasurbek Shermuhammedov  bugungi kunga qadar “ERP madaniyat” yagona boshqaruv tizimi va 6 ta (“Tizim tashkilotlar pasporti”, “HRM inson resurslarini boshqarish”,  “Komissiya axborot tizimi”, “Ta’lim muassasalari hamda madaniyat markazlariga onlayn qabul”, “O‘quvchilar harakati va hisobini yuritish”, “Ko‘cha san’ati va musiqasi”) quyi axborot tizimida amalga oshirilgan ishlar bo‘yicha taqdimot qilindi. 

Taqdimot davomida mavjud muammolar va ularning yechimlari takliflari berildi.

Shu bilan birga, “O‘zbek madaniyati portali”, ijodkor yoshlar seleksiya axborot tizimi, axborot xavfsizligi, gologramma masalalari ko‘rib chiqildi.

Taqdimot yakunida, madaniyat vaziri Ozodbek Nazarbekov har bir mas’ulga tegishli topshiriqlar berib, sohada raqamlashtirish hamda AIni rivojlantirish lozimligini ta’kidladi.