Hududlarda “ERP madaniyat” yagona boshqaruv tizimi bo'yicha tushuntirish ishlari va o‘quv seminarlari o‘tkazilmoqda
2026-01-19 16:15:00 / Yangiliklar
O‘zbekiston Respublikasi Prezidentining 2023-yil 27-iyuldagi PF–114-son Farmoniga muvofiq “ERP madaniyat” yagona boshqaruv tizimi ishlab chiqilmoqda.
Bugungi kunda “ERP madaniyat” yagona boshqaruv tizimini hududiy madaniyat organlari hamda tizim tashkilotlarida samarali joriy etish, mas’ullarga tizimdan foydalanish bo‘yicha tushuntirish ishlari olib borish va o‘quv seminarlarini tashkil etish maqsadida, madaniyat vazirining tegishli buyrug‘i imzolangan bo'lib, ushbu buyruqqa asosan bir nechta hududiy madaniyat organlarida o‘quv seminarlar tashkil qilinib, tizim faoliyatida samarali ko‘rsatgichlarga erishildi.
Joriy yilning 12-17–yanvar kunlari Namangan, Andijon va Farg‘ona viloyatlariga Raqamlashtirish va sun’iy intellektni rivojlantirish boshqarmasi tomonidan navbatdagi o‘quv seminarlari o‘tkazildi.
Unda, bolalar musiqasi va san'ati maktablari, ixtisoslashtirilgan maktablar, hududiy madaniyat bo'limlari hamda madaniyat markazlariga "ERP madaniyat" yagona boshqaruv axborot tizimining "HRM", "Talabalarni boshqarish", "Komissiya" hamda "Tizim tashkilotlari pasporti" modullari bo'yicha o'quv seminarlar tashkil etilib, seminar doirasida jami 500 ga yaqin xodimlar ishtirok etdi.
Navbatdagi seminar Surxondaryo, Qashqadaryo hamda Samarqand viloyatlarida o'tkazilishi rejalashtirilgan.