Xitoy kinematografiya sohasi vakillari bilan uchrashuv o‘tkazildi
2025-12-24 11:20:00 / Yangiliklar
Vazirlikda O’zbekiston madaniyat vazirining birinchi o’rinbosari Avazxon Tadjixanov hamda Xitoyning China Film Association tashkilotining xalqaro qo‘mitasi raisi janob Gu Guosin boshchiligidagi vakillar bilan uchrashuv bo’lib o’tdi.
Uchrashuvda o‘zbek-xitoy kinoijodkorlari hamkorligida suratga olinadigan “Meni kut” badiiy filmi hamda “Tirik tarix” dasturidan o‘rin olgan “Farhod va Shirin” qo‘shma kinoloyihasi haqida atroflicha fikr-mulohazalar almashildi.
Mehmonlar 2026-yilda ko-produksiya shaklida yaratilishi rejalashtirilgan “Meni kut” badiiy filmining suratga olish ishlariga olib borilayotgan tayyorgarlik harakatlari bilan o‘rtoqlashishdi.