Vazirlikda mediaga qiziquvchi ko'ngilli yoshlar jamoasi shakllantirilmoqda
2025-11-26 09:20:00 / Yangiliklar
Barchaga ma'lumki vazirlik tizimida 10 ga yaqin oliy ta'lim muassasalari mavjud bo'lib, unda madaniyat va san'at sohasiga oid yo'nalishlarda ta'lim-tarbiya berilmoqda.
Kuni kecha O‘zbekiston davlat san’at va madaniyat instituti talabalari bilan erkin muloqot qilinib, operator, grafik dizayner, dramaturg, kino, televideniye va radio ovoz rejissyorligi, san’atda animatsiyaviy va multimediyaviy loyihalash, media sohasiga qiziqadigan va ijodkorlarning qiziqishlari, takliflari va fikrlari tinglandi.
Talabalar bilan Madaniyat vazirligi Matbuot xizmati rahbari Sirojiddin O'sarov ijodiy suhbat qilib, talabalarni media sohasida qiziqtirgan savollariga javob berdi.
Talabalar ham o'z navbatida samimiy va erkin muloqotdan mamnunligini ma'lum qilib, ushbu muloqot imkoniyatlaridan amaliyot olish maqsadida keng foydalanish lozimligini ta'kidlashdi. Shuningdek, bu kabi erkin va do'stona muloqotlar talabalar uchun ko'proq bo'lishini hamda ushbu jarayon ularning keyingi faoliyatlarida muhimligini ma'lum qilishdi.
Ma'lumot o'rnida, bu kabi ko‘ngilli yoshlar jamoasini saralash ishlari bosqichma-bosqich vazirlikning boshqa oliy ta’lim muassasalarida ham o’tkaziladi.