edukarantin.uz va "Ibrat farzandlari" platformalarining integratsiyasini amalga oshirish choralari ko'riladi.
2025-09-25 17:30:00 / Yangiliklar
Yoshlar ijod saroyida "Yoshlarni eshitamiz" loyihasi doirasida o'tkazilayotgan muloqotlarning navbatdagisi qishloq xo'jaligi yo'nalishiga bag'ishlandi.
Muloqot chog'ida yoshlar o'zlarini qiziqtirgan savollar va takliflar bilan murojaat qilishdi. Jumladan, qishloq xo'jaligi yo'nalishida ta'lim olayotgan talabalarga xorijiy tillarni o'rganishda qulaylik yaratish maqsadida "Ibrat farzandlari (https://ibratfarzandlari.uz/)" loyihasi bilan edukarantin.uz platformasini intergratsiya qilish taklifi ilgari surildi.
Ma'lumot o'rnida qayd etish lozim, joriy yilda ishga tushirilgan platformada agrar soha uchun muhim yo'nalishlar bo'yicha darsliklar ishga tushirilib, o'quv kurslari yakunida sertifikat taqdim etiladi.
Bugungi kunda platformada 5 ta yo’nalishda darsliklar mavjud. Yangi yo’nalish sifatida qishloq xo’jaligi mahsulotlari eksportiga oid darsliklar qo’shildi.