Huquqni muhofaza qiluvchi organlar vakillari bilan hamkorlikda profilaktik tadbir tashkil qilindi
2026-01-22 16:45:00 / Yangiliklar
O‘simliklar karantini va himoyasi agentligining Korrupsiyaga qarshi kurashish bo‘limi tomonidan Toshkent viloyati prokuraturasi mas’ul xodimlari bilan hamkorlikda Toshkent viloyati o‘simliklar karantini va himoyasi boshqarmasida xodimlarning korrupsiyaga qarshi kurashish hamda manfaatlar to‘qnashuvi sohasidagi, shuningdek, Davlat fuqarolik xizmatchilarining Odob-axloq qoidalari yuzasidan bilim va ko‘nikmalari hamda huquqiy ongini oshirish bo‘yicha seminar -trening tashkil etildi.
Seminar-treningda Korrupsiyaga qarshi kurashish bo‘limi boshlig‘i I.Raximov tomonidan xodimlarga korrupsiyaga qarshi kurashish hamda manfaatlar to‘qnashuvi, shuningdek, Davlat fuqarolik xizmatchilarining Odob-axloq qoidalari borasidagi qonunchilik, normativ-huquqiy hamda ichki idoraviy hujjatlarning mazmun-mohiyati hamda talablari bo‘yicha tushuntirishlar berildi.
Toshkent viloyati prokuraturasi qishloq ho’jaligi boshqarmasi bo’lim prokurori D.SH.Subanov tadbir qatnashchilariga har bir davlat fuqarolik xizmatchisi o‘ziga yuklatilgan vazifalarni bajarishga vijdonan va sidqidildan yondoshishi lozimligi, jarayonda noqonuniy xatti-harakatlar, shu jumladan korrupsiyaviy huquqbuzarliklarga yo‘l qo‘ymasligi lozimligi, shunday qilmishlar uchun javogarlik muqarrar ekanligi to‘g‘risida tushuntirishlar berdi.
Korrupsiyaga qarshi kurashish bo‘limi bosh mutaxassisi M.Mirazimov o‘z chiqishida korrupsiyaga qarshi kurashish sohasida Agentlikda qabul qilingan ichki-idoraviy hujjatlar, ularning mazmun mohiyati bo‘yicha to‘xtalib o‘tib, ishtirokchilarga Agentlikda tashkil etilgan korrupsiyaga oid xabarlarni qabul qilishga mo‘ljallangan aloqa kanallari to‘g‘risida ham ma’lumotlar berdi.