Oʻsimliklar karantini va himoyasi agentligi delegatsiyasi Moskva va Moskva viloyati filiali laboratoriyasida bo’ldi
2025-12-19 09:35:00 / Yangiliklar
Oʻsimliklar karantini va himoyasi agentligi delegatsiyasi Moskva va Moskva viloyati filiali laboratoriyasida bo’ldi
Oʻsimliklar karantini va himoyasi agentligi mutaxassislaridan iborat delegatsiyasi shu kunlarda Moskvadagi Qishloq xoʻjaligi mahsulotlari sifatini baholash markazi (TSOK APK) filialining sinov laboratoriyasida bo’ldi.
Mehmonlarga laboratoriyaning ilmiy-tadqiqot faoliyati, jumladan, qishloq xoʻjaligi mahsulotlari namunalarini qabul qilish hamda sinov natijalarini rasmiylashtirish jarayonlari namoyish etildi.
Ma’lumot uchun, markazda pestitsidlarning qoldiq miqdorlarini tahlil qilishda yuqori samarali suyuqlik xromatografiyasi (HPLC) va gaz xromatografiyasi (GC) usullaridan foydalaniladi. Laboratoriya bazasida qariyb 1000 turdagi pestitsidlar bo‘yicha ma’lumotlar kutubxonasi mavjud.
TSOK APK laboratoriyasiga tashrif davomida olingan ma’lumotlar va orttirilgan ijobiy tajriba kelgusida hamkorlikni davom ettirishga xizmat qiladi va kelgusida Agentlikning va tizim tashkilotlarining faoliyatida joriy etilishi rejalashtirilgan.
Shuningdek, Butunrossiya O'simliklar karantini ilmiy-tadqiqot institutida bo'ib, Rossiya Federasiyasida karantin fitosanitar nazoratini ta'minlash tizimi, ilmiy-uslubiy baza hamda institutning ilgʻor amaliyotlari bilan tanishishdan iborat boʻldi.
Delegatsiya a'zolariga muassasaning asosiy yoʻnalishlari toʻliq taqdim etib, karantin obyektlarini monitoring qilish, aniqlash hamda karantinosti mahsulotlarni nazorat qilishni uslubiy ta'minlash ishlari haqida batafsil ma'lumot berildi.
Uchrashuv davomida qishloq xoʻjaligini biologizasiya qilishning istiqbolli usullariga alohida e'tibor qaratildi.
Oʻzbek mutaxassislari ushbu texnologiyalarning ekologik xavfsizligi va samaradorligini baholab, ularni mamlakatimiz sharoitiga moslashtirishga qiziqish bildirdilar.
Muzokaralarning salmoqli qismi fitosanitar koʻrik jarayonida xavf-xatarlarni boshqarish tizimiga oid zamonaviy yondashuvlarni muhokama qilishga bagʻishlandi.