Hazorasp tumanida iqtidorli o‘quvchilar bilan ochiq muloqot o‘tkazildi
2025-11-25 11:45:00 / Yangiliklar
Bugun tumandagi Hazorasp IT PARK o`quv markazida tuman hokimi Maqsudbek Abdullayev va iqtidorli o‘quvchilar ishtirokida ochiq muloqot tashkil etildi.
Ochiq muloqotda tuman hokimi mamlakatimizda yangi O‘zbekistonni barpo etishdek ulug‘ maqsadga erishish yo‘lida asosiy tayanchimiz bo‘lgan azmu shijoatli yoshlarga e’tibor va g‘amxo‘rlik ko‘rsatish, ularga barcha sohalarda o‘z iqtidori va salohiyatini to‘liq namoyon etishi uchun zarur sharoit va imkoniyatlar yaratib berish davlat siyosatining ustuvor yo‘nalishlaridan biri ekanligini ta`kidlab o`tdi.
Shundan so`ng iqtidorli o‘quvchilarning orzu-istaklari, maqsadlari va takliflari tinglandi. Shuningdek, ularning tashabbuslari, yangi loyihalari, innovatsion g‘oyalarini amalga oshishiga ko`maklashish, qo‘llab-quvvatlash bo‘yicha mas’ullarga tegishli topshiriqlar berildi.
Hazorasp tumani hokimligi
matbuot xizmati.