“Kelajak muhandislari” akseleratsiya dasturining yakuniy Demo Day bosqichi bo‘lib o‘tdi
2026-09-09 18:10:00 / Vazirlik yangiliklari
Bugun INNO innovatsion oʻquv-ishlab chiqarish texnoparkida hardware startaplar uchun maxsus tashkil etilgan “Kelajak muhandislari” akseleratsiya dasturining yakuniy “Demo Day” tadbiri bo‘lib o‘tdi.
Mazkur dastur doirasida bir necha oylik tayyorgarlikdan o‘tgan 29 nafar ishtirokchi o‘z loyihalarini investorlar va tanlov komissiyasi hay’ati oldida taqdim etdi. Taqdimotlar davomida jamoalar o‘z ishlanmalarining texnik imkoniyatlari va bozor salohiyatini namoyish qildilar.
Tadbir yakunida ishtirokchilar yetakchi mutaxassis va ekspertlardan amaliy tavsiyalar oldilar. Shuningdek, startap loyihalarini yanada rivojlantirish uchun venchur fondlar va yirik hamkorlar bilan aloqalar o‘rnatish imkoniyatlari muhokama qilindi.