O‘zbekiston Respublikasi Oliy taʼlim, fan va innovatsiyalar vazirligi

Konferensiyani O‘zbekiston Respublikasi Oliy ta’lim, fan va innovatsiyalar vaziri Qo‘ng‘irotboy Sharipov, Britaniya Kengashining O‘zbekistondagi vakolatxonasi direktori Maykl Xoulgeyt hamda Buyuk Britaniyaning Toshkentdagi elchixonasi mintaqaviy ta’lim bo‘yicha maslahatchisi Salim Salamah ochib berdi.

Shuningdek, konferensiyada AQSHning O‘zbekistondagi Favqulodda va muxtor elchisi Jonatan Xenik, Xitoydan YUNESKOning Oliy ta’limdagi innovatsiyalar bo‘yicha xalqaro markazi (UNESCO-ICHEI) ma’muriyat rahbari va Markaziy Osiyo bo‘yicha mintaqaviy koordinatori Minshun Syuy, Avstriyadan oliy ta’lim sifatini ta’minlash bo‘yicha yetakchi ekspert Aqim Emurli, Qozog‘istondan Oliy ta’limni rivojlantirish milliy markazi direktori Alibek Madibekov, Ozarbayjondan Ta’limni rivojlantirish jamg‘armasi raisi Nidjat Mammadli hamda Malayziyadan Malayziya Pedagoglarni tayyorlash instituti Jahon tillari departamenti rahbari Munira Xanafi, shuningdek, O‘zbekiston oliy ta’lim tashkilotlari rahbarlari va soha mutaxassislari ishtirok etmoqda.

Anjumanda oliy ta’lim sifatini oshirish, ta’lim dasturlarini mehnat bozori ehtiyojlariga moslashtirish, sun’iy intellekt va raqamli texnologiyalarni ta’limga joriy etish, talabalar tadbirkorligini rivojlantirish hamda bitiruvchilar bandligini ta’minlash masalalari muhokama qilinmoqda.