“American Councils” bilan oliy taʼlim sohasidagi hamkorlikni kengaytirish masalalari muhokama qilindi
2026-06-16 19:00:00 / Vazirlik yangiliklari
Muloqot davomida O‘zbekiston oliy ta’lim tizimini xalqaro standartlar asosida rivojlantirish, universitetlarning xalqaro maydondagi nufuzini oshirish hamda ularning investitsiyaviy jozibadorligini kuchaytirishga qaratilgan istiqbolli hamkorlik yo‘nalishlari muhokama qilindi.
Uchrashuvda universitetlar huzurida ilmiy ishlanmalar va innovatsiyalarni tijoratlashtirishga xizmat qiluvchi "spinoff" korxonalarini tashkil etishda AQSHning ilg‘or tajribasini joriy etish istiqbollari ham muhokama qilindi. Shuningdek, talabalar, tadqiqotchilar va professor-o‘qituvchilar uchun AQSHning nufuzli oliy ta’lim tashkilotlari bilan hamkorlikdagi akademik almashinuv dasturlarini kengaytirish masalalari yuzasidan fikr almashildi.
Uchrashuv yakunida tomonlar muhokama qilingan yo‘nalishlar bo‘yicha amaliy hamkorlikni faollashtirish hamda qo‘shma loyihalarni tizimli ravishda amalga oshirish yuzasidan kelishuvga erishdilar.