Oʻzbekiston oliy taʼlim, fan va innovatsiyalar vaziri hamda Qirgʻiziston oliy taʼlim va fan vaziri o‘rtasida uchrashuv bo‘lib o‘tdi
2024-07-16 12:45:00 / Vazirlik yangiliklari
Suhbat davomida ikki mamlakat o'rtasida o‘tkazilayotgan ilmiy-amaliy konferensiyalar, seminarlar, forum va madaniy-ma’rifiy tadbirlarda tomonlar fan va ta’lim vakillarining doimiy ishtirokini ta’minlash orqali xalqlar o‘rtasidagi ilmiy muloqotni rivojlantirish va madaniy aloqalarni mustahkamlashga xizmat qilishi yuzasidan fikr almashinildi.
– Mamlakatlarimiz o‘rtasida ta’lim sohasidagi hamkorlik aloqalarini yanada mustahkamlashimiz, qirg‘izistonlik talabalarning O‘zbekistondagi oliy o‘quv yurtlarida tahsil olishlari uchun yetarli darajada imkoniyatlar yaratishimiz lozim. Buning natijasida talabalarimizning yanada sifatli ta’lim olishlari hamda bilim va tajriba almashishlariga imkon yaratgan bo‘lamiz – deya ta’kidlab o‘tdi Qoʻngʻirotboy Sharipov.
Uchrashuv davomida professor-o‘qituvchilar hamda talabalar almashinuvini rivojlantirish orqali ularning tajribasini yanada oshirish, hamkorlikda yangi ta’lim loyihalarini yo'lga qo'yish, shuningdek, kelgusida ikki mamlakat ijtimoiy-iqtisodiy hayotida umumiy bo‘lgan muammolarni bartaraf etadigan malakali mutaxassis kadrlar tayyorlab chiqarishga alohida urg‘u berildi hamda bu borada amalga oshiriladigan ishlar belgilab olindi.