O‘zbekiston Respublikasi Oliy taʼlim, fan va innovatsiyalar vazirligi

Uchrashuv davomida xalqaro hamkorlikni kengaytirish, qo‘shma ta’lim dasturlari va ilmiy loyihalarni yo‘lga qo‘yish masalalari muhokama qilindi. Uchrashuvda gumanitar fanlar, huquq, xalqaro munosabatlar, iqtisodiyot, tabiiy fanlar va madaniyatlararo tadqiqotlar kabi yo‘nalishlarda hamkorlikni yo‘lga qo‘yish istiqbollari ko‘rib chiqildi.

Jumladan, qo‘shma ta’lim dasturlari, ikki tomonlama diplomlar, talabalar va professor-o‘qituvchilar almashinuvi, qo‘shma ilmiy tadqiqotlar, yozgi maktablar va qisqa muddatli akademik kurslarni tashkil etish masalalari yuzasidan fikr almashildi. Tomonlar, shuningdek, Yevropa Ittifoqining Erasmus+ va Horizon Europe dasturlari doirasida qo‘shma loyihalarni faollashtirish, o‘zbek professor-o‘qituvchilari uchun Italiya universitetlarida malaka oshirish kurslarini tashkil etish yuzasidan hamkorlik qilishga qiziqish bildirdi.

Uchrashuv yakunida ikki tomonlama aloqalarni izchil rivojlantirish, universitetlar o‘rtasidagi hamkorlikni yangi bosqichga olib chiqish va amaliy loyihalarni tezkor yo‘lga qo‘yish yuzasidan kelishuvga erishildi.