O‘zbekiston Respublikasi Oliy taʼlim, fan va innovatsiyalar vazirligi

Birinchi sessiyada oliygohlar o‘rtasida qo‘shma ta’lim dasturlarini yo’lga qo’yish, professor-o’qituvchilar va talabalar almashinuvini kengaytirish, shuningdek, ilmiy tadqiqotlarni institutsional darajada muvofiqlashtirish masalalari muhokama qilindi. Ishtirokchilar zamonaviy ta’lim modellari, raqamli texnologiyalar asosida qo’shma o’quv kurslarini ishlab chiqish va Yevropa Ittifoqi dasturlari doirasida loyihalarni faollashtirish zarurligini ta’kidladilar.

Ikkinchi sessiyada ilmiy hamkorlikning ustuvor yo’nalishlari sifatida muhandislik, tibbiyot, huquq, gumanitar va tabiiy fanlar, turizm va madaniy meros sohalarida qo’shma tadqiqotlar olib borish masalalari ko’rib chiqildi. Shuningdek, qo’shma ilmiy markazlar tashkil etish, yosh olimlar va doktorantlar almashinuvini kengaytirish, xalqaro grant dasturlarida birgalikda ishtirok etish bo’yicha takliflar ilgari surildi.

Forum yakunida o’tkazilgan yalpi majlisda sessiyalar davomida bildirilgan tashabbuslar yuzasidan umumiy xulosalar bayon etildi. Tomonlar O’zbekiston–Italiya akademik hamkorligini tizimli va uzoq muddatli asosda rivojlantirish, amaliy loyihalarni tezkor yo’lga qo’yish va oliygohlar o’rtasida barqaror institutsional aloqalarni mustahkamlashga tayyor ekanini bildirdilar.

Tadbir so’ngida ishtirokchilar Roma Tre unversiteti infratuzilmasi bilan tanishdilar. Mazkur forum ikki davlat o’rtasida oliy ta’lim va ilm-fan sohasidagi strategik sheriklikni yanada chuqurlashtirishga xizmat qilishi ta’kidlandi.