Rektorlar forumi ishtirokchilari Islom sivilizatsiyasi markazida
2025-12-13 20:00:00 / Vazirlik yangiliklari
“Taʼlimda sunʼiy intellekt texnologiyalarini qoʻllash va ulardan samarali foydalanish bo‘yicha rektorlar forumi” doirasida tadbir ishtirokchilari Islom sivilizatsiyasi markaziga tashrif buyurdilar.
Tashrif davomida mehmonlar Markazda joriy etilgan zamonaviy raqamli yechimlar, jumladan, tarixiy merosni o‘rganish va targ‘ib etishda qo‘llanilayotgan sunʼiy intellekt asosidagi interaktiv ekspozitsiyalar, raqamli axborot panellari va multimedia vositalari bilan yaqindan tanishdilar.
Forum ishtirokchilari Islom sivilizatsiyasi markazida anʼana va innovatsiyaning uyg‘unligi, ilm-fan va texnologiyalar orqali boy madaniy merosni kelajak avlodga yetkazish borasida amalga oshirilayotgan ishlarni yuqori baholadilar. Ushbu tashrif taʼlim, ilm-fan va sunʼiy intellekt imkoniyatlarini o‘zaro uyg‘unlashtirish yo‘lidagi muhim tajriba almashinuvi bo‘ldi.