“Sherobod sement zavodi” MChJ va “Shargʻunkoʻmir” AJlarning ochiq savdo jarayonlari davom etadi
2026-06-05 17:00:00 / Yangiliklar
Davlat aktivlari agentligining 2025-yil 21-dekabrdagi eʼloniga muvofiq, “Sherobod sement zavodi” MChJ ustav kapitalidagi 100 foiz ulushi va “Shargʻunkoʻmir” AJ ustav kapitalidagi 99,55 foiz davlat aksiyalar paketini ochiq savdo jarayoni boʻyicha quyidagilar maʼlum qilinadi.
Xususiylashtirish boʻyicha konsultant – “Alkes Research” kompaniyasining taklifiga asosan, yanada koʻproq salohiyatli investorlarni jalb etish, ularga investitsiya takliflarini puxta tayyorlash uchun qoʻshimcha imkoniyat yaratish hamda savdo jarayonlarini yanada shaffof va raqobat muhitida tashkil etish maqsadida, barcha manfaatdor tomonlar va salohiyatli investorlardan mazkur davlat aksiyalar paketini sotib olish yuzasidan qiziqish bildirish boʻyicha arizalari (Express of Interest)ni qabul qilish muddati 2026-yil 25-iyun soat 23:59 (Toshkent vaqti)ga qadar uzaytirilganligi maʼlum qilinadi.
Qiziqish bildirilgan taqdirda arizalarni info@alkes.co elektron pochta manziliga yuborish lozim.
Shuningdek, avval eʼlon qilingan maʼlumotlar va talablarning barcha boshqa bandlari oʻzgarishsiz qolgani maʼlum qilinadi.