Agentlik haqida
O‘zbekiston Respublikasi Davlat aktivlarini boshqarish agentligi O‘zbekiston Respublikasi Prezidentining 2019 yil 14 yanvardagi PF-5630-son «Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari to‘g‘risida»gi Farmoni bilan tashkil etilgan.
Davlat aktivlarini boshqarish agentligi o‘z faoliyatida bevosita O‘zbekiston Respublikasi Bosh vaziri va O‘zbekiston Respublikasi Prezidentiga bo‘ysunadi va hisobot beradi.
Davlat aktivlarini boshqarish agentligi o‘z faoliyatida quyidagilarga amal qiladi:
- O‘zbekiston Respublikasi Konstitutsiyasi va qonunlariga
- O‘zbekiston Respublikasi Oliy Majlisi palatalarining qarorlariga
- O‘zbekiston Respublikasi Prezidentining farmonlari, qarorlari va farmoyishlariga
- O‘zbekiston Respublikasi Vazirlar Mahkamasining qarorlari va farmoyishlariga
- Davlat aktivlarini boshqarish agentligi Nizomiga
- O‘zbekiston Respublikasi Prezidentining 14.01.2019 yil PQ-4112-sonli O‘zbekiston Respublikasi Davlat aktivlarini boshqarish agentligi faoliyatini tashkil etish to‘g‘risidagi Qaroriga
- O‘zbekiston Respublikasi Vazirlar Mahkamasining 15.05.2019 yil VMQ-404-sonli O‘zbekiston Respublikasi Davlat aktivlarini boshqarish agentligi faoliyatini tashkil etish bo‘yicha chora-tadbirlar to‘g‘risidagi qaroriga
Davlat aktivlarini boshqarish agentligi o‘z faoliyatini bevosita, shuningdek hududiy organlar va uning idoraviy mansub tuzilmalari, davlat organlari, fuqarolarning o‘zini o‘zi boshqarish organlari, nodavlat notijorat tashkilotlar va boshqa tashkilotlar bilan o‘zaro hamkorlikda amalga oshiradi.
Davlat aktivlarini boshqarish agentligining o‘z vakolatlari doirasida qabul qilingan qarorlari vazirliklar, idoralar, mahalliy ijro etuvchi hokimiyat organlari, xo‘jalik yurituvchi subyektlar, mansabdor shaxslar va fuqarolar tomonidan bajarilishi majburiy hisoblanadi