O‘zbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi

Joriy yilgi paxta mavsumida viloyatda faoliyat yuritayotgan “Baxt tekstil” MChJ, “Navbahor tekstil” MChJ va “Navoiy fayzcom tekstil” MChJ hamda ularga qarashli 17 ta paxta qabul qilish maskanlariga paxta xom-ashyosi topshirilmoqda.

Paxta qabul qilish jarayonini nazorat qilish, fermer xo‘jaliklari va klasterlar o‘rtasida tuzilgan shartnomaviy majburiyatlarning bajarilishini ta’minlash, hosilning nobudgarchiligini kamaytirish hamda yuzaga keladigan nizolarni joyida hal etish maqsadida “O‘zagroinspeksiya”ning Samarqand viloyati boshqarmasi tomonidan 4 ta “Mobil arbitraj” guruhi faoliyati yo‘lga qo‘yilgan.

Bugungi kunga qadar mazkur guruhlar tomonidan 58 ta nizoli holat ko‘rib chiqilgan bo‘lib, ularning 48 tasi fermer xo‘jaliklari, 10 tasi esa paxta-to‘qimachilik klasterlari foydasiga hal etilgan.

Mazkur ishlar natijasida paxta qabul qilish jarayonida shaffoflikni ta’minlash, hosil sifati bo‘yicha kelishmovchiliklarning oldini olish va fermerlarning manfaatlarini himoya qilish borasida samarali natijalarga erishilmoqda.