"O‘zagroinspeksiya boshlig‘i kubogi–2025" musobaqasiga start berildi
2025-08-21 17:00:00 / Yangiliklar
O‘zbekiston Respublikasi mustaqilligining 34 yilligi munosabati bilan “O‘zagroinspeksiya” tizimida mehnat qilayotgan xodimlar o‘rtasida sog‘lom turmush tarzini targ‘ib qilish, jamoa hamjixatligini mustahkamlash va mehnat unumdorligini oshirish maqsadida stol tennisi bo‘yicha “O‘zagroinspeksiya boshlig‘i kubogi–2025” musobaqasiga start berildi.
Hozirgi kunda musobaqaning viloyat bosqichlari qizg‘in tarzda o‘tkazilmoqda. Xususan, Xorazm viloyatida tashkil etilgan saralash musobaqalarida 22 nafar xodim ishtirok etib, o‘zlarining epchilligi, tezkor qaror qabul qilish qobiliyati va aniqlikdagi mahoratlarini namoyon etdilar.
Musobaqa yakunlariga ko‘ra, Boshqarma yetakchi mutaxassisi A.Abdullaev barcha raqiblaridan ustun kelib, finalga yo‘llanmani qo‘lga kiritdi.
G‘oliblar diplom va esdalik sovg‘alari bilan taqdirlandilar.