“21-oktabr O‘zbek tili bayrami kuni” munosabati bilan Inspeksiyaning Farg‘ona viloyat boshqarmasida UMUMMILLIY DIKTANT LOYIHASI O‘TKAZILDI
2026-10-15 15:20:00 / Yangiliklar
O‘zbekiston Respublikasi Prezidentining 2025-yil 20-oktabrdagi “Davlat tilini yanada rivojlantirishga oid qo‘shimcha chora-tadbirlar to‘g‘risida”gi PQ-308-son qarorida belgilangan vazifalar ijrosi doirasida va “21-oktabr O‘zbek tili bayrami kuni” munosabati bilan O‘zbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi Farg‘ona viloyat boshqarmasi xodimlari o‘rtasida “Ona tilim — milliy g‘ururim” shiori ostida umummilliy diktant o‘tkazildi.
Tadbirda Farg‘ona davlat universiteti katta o‘qituvchisi, filologiya fanlari bo‘yicha falsafa doktori M.Ma’murova ishtirok etdi.
Diktant yakunlariga ko‘ra, boshqarmaning Qishloq xo‘jaligi yerlarini nazorat qilish bo‘limi yetakchi mutaxassisi Sh. Jaloldinov g‘olib deb topildi hamda esdalik sovg‘alari bilan taqdirlandi.
Zero, ona tiliga hurmat — millatga hurmat, tilga e’tibor esa milliy qadriyatlarimizga e’tibordir!