O‘zbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi

📍 Shu maqsadda,  kuni kecha Samarqand viloyati Pastdarg‘om tumanida “O‘zagroinspeksiya”ning Samarqand viloyati boshqarmasi boshlig‘i Davron Achilov boshchiligida navbatdagi sayyor qabul tashkil etildi.

Mazkur tadbirda tuman hokimining qishloq va suv xo‘jaligi masalalari bo‘yicha o‘rinbosari B. Yakubov, tuman inspeksiya bo‘limi boshlig‘i O. Yakubov, shuningdek, fermer va dehqon xo‘jaliklari rahbarlari, qishloq xo‘jaligi korxonalari xodimlari hamda keng jamoatchilik vakillari ishtirok etdi.

📝 Sayyor qabul davomida 20 nafardan ortiq fermer xo‘jaliklari rahbarlari va fuqarolar tomonidan ko‘tarilgan masalalar atroflicha ko‘rib chiqildi. Xususan, yer ajratish, suv ta’minoti, agrotexnik tadbirlarni amalga oshirish, kredit va subsidiyalar masalalari yuzasidan murojaatlar tinglandi.

Har bir murojaat yuzasidan mas’ul tashkilot va idoralarga aniq topshiriqlar berilib, ularning ijrosi qat’iy nazoratga olindi. Ayrim masalalar joyida hal etilgan bo‘lsa, qo‘shimcha o‘rganish talab etiladigan murojaatlar tegishli tartibda ro‘yxatga olinib, ijroga yo‘naltirildi.

🤝 Xulosa qilib aytganda, bu kabi sayyor qabullar aholi muammolarini tizimli hal etish, davlat organlari faoliyatining ochiqligi va shaffofligini ta’minlash, eng muhimi, fuqarolarning davlat idoralariga bo‘lgan ishonchini mustahkamlashda muhim omil bo‘lib xizmat qilmoqda.

📌 Kelgusida ham bu kabi ochiq muloqotlar izchil davom ettirilib, aholining murojaatlarini o‘z vaqtida va samarali hal etish bo‘yicha amaliy ishlar yanada kuchaytiriladi.

“O‘zagroinspeksiya” Samarqand viloyat boshqarmasi