Madaniyat vazirligi tasarrufidagi muassasalarida faoliyat olib borayotgan madaniyat xodimlari, o‘qituvchilar hamda ta’lim olayotgan o‘quvchi-talabalar Zulfiya nomidagi Davlat mukofoti bilan taqdirlandi
2024-03-05 10:50:00 / Yangiliklar
Prezidentning "Zulfiya nomidagi Davlat mukofoti bilan taqdirlash to‘g‘risida"gi qaroriga ko‘ra, Qoraqalpog‘iston Respublikasi, viloyatlar va Toshkent shahrining iqtidorli qizlarini a’lo xulqi, noyob iste’dodi, zukkoligi, tashabbuskorligi, o‘qishdagi muvaffaqiyatlari hamda ta’lim, fan, adabiyot, san’at, madaniyat, sport sohalarida va jamoatchilik faoliyatida erishgan alohida yutuqlari uchun Madaniyat vazirligi tasarrufidagi muassasalarida faoliyat olib borayotgan madaniyat xodimlari, o‘qituvchilar hamda ta’lim olayotgan o‘quvchi-talabalar Zulfiya nomidagi Davlat mukofoti bilan taqdirlandi, quyida ular bilan tanishing:
Xudaybergenova Gulshinar Jangabayevna - Qoraqalpog‘iston Respublikasi Nukus shahridagi 1-bolalar musiqa va san’at maktabining baxshichilik sinfi o‘qituvchisi
Suleymanova O‘g‘ilxon Abdurazok qizi - O‘zbek milliy maqom san’ati markazining Andijon viloyati bo‘limi artist-maqomchisi
Tursunboyeva Fotima Botir qizi - Alisher Navoiy nomidagi O‘zbekiston davlat akademik katta teatri opera ijrochisi (Toshkent viloyati)
Sapayeva Risolat Rustam qizi - O‘zbekiston davlat xoreografiya akademiyasining Urganch filiali xoreografiya fakulteti 2-bosqich talabasi
Tosheva Marjana Rustam qizi - Yunus Rajabiy nomidagi O‘zbek milliy musiqa san’ati institutining vokal va cholg‘u ijrochiligi pedagoglarini tayyorlash kafedrasi o‘qituvchisi
Trashkova Yelizaveta Dmitriyevna - O‘zbekiston davlat xoreografiya akademiyasining xoreografiya san’ati fakulteti 1-bosqich talabasi
Madaniyat vazirligi Zulfiya nomidagi Davlat mukofoti bilan taqdirlanganlarning barchasini ushbu yuksak mukofot bilan tabriklaydi.