O‘zbekiston Milliy kino san’ati saroyida italiyalik mashhur aktyor Marcello Mastroyanning filmlari haftaligi bo‘lib o‘tadi
2025-03-11 09:00:00 / Yangiliklar
Agar siz o‘zbek va jahon kinosi tarixiga qiziqsangiz, Retro film klubi siz uchun ajoyib imkoniyat yaratadi. O‘zbekiston Milliy kino san’ati saroyida har kuni o‘zbek va jahon kinosi klassikasini tomosha qilish, kinoijodkorlar bilan uchrashuvlar o‘tkazish, ko‘rilgan filmlarni muhokama qilish imkoniyati mavjud! Klub yetakchilari Mastura va Sardor Isxoqovlar kino ixlosmandlarini o‘z atrofida jamlab, tomoshabinlar uchun unutilmas kino kechalarini taqdim etadi.
Joriy yilning 12-mart kunidan boshlab, italiyalik mashhur aktyor Marcello Mastroyanning filmlari haftaligi boshlanadi.
Ushbu hafta davomida tomoshabinlar aktyor ishtirok etgan yettita mashhur filmlarni: "Shirin hayot", "Kecha, bugun, ertaga", "Kungaboqar", "Qora ko‘zlar", "Tajovuzkorlar har doimgidek noma’lum", "Jinjer va Fred", "Bugun, ertaga, ertangi kun" tomosha qilish imkoniga ega bo‘ladilar.
Batafsil ma’lumot olish uchun raqam: +998880073500
Kirish erkin