Денов туманида савдо мажмуалари қурилишида старт берилди.
2024-12-23 23:30:00 / Янгиликлар
Бугун мазкур қурилиш материаллари ва мол бозори мажмуаси қурилишига старт берилди. Тадбирда Сурхондарё вилояти ҳокими Улуғбек Қосимов иштирок этди. Лойиҳани белгиланган муддатда сифатли амалга ошириш, барча шароитлар билан таъминлаш ҳамда қўшимча иш ўринлари яратиш лозимлиги таъкидланди.
Шундан сўнг, вилоят раҳбари тумандаги Қизилсув дарёси бўйида барпо этилаётган "Ёшлар" сайлгоҳи ҳамда унга борувчи йўлнинг қурилиши билан танишди. Якуний босқичда олиб борилаётган лойиҳани қисқа муддатда якунлаб фойдаланишга топшириш учун тайёрлаш, йўл қурилишини сифатли амалга ошириш вазифалари белгилаб берилди.
Ташриф якунида туман марказида эски деҳқон бозори ўрнида "Денов малл" савдо мажмуаси қурилишига ҳам старт берилди. Тадбирда иштирок этган нуронийлар бир неча йиллардан буён қаровсиз қолиб, яроқсиз ҳолга келиб қолган, чиқиндига тўлган ҳудуд ўрнида бу каби йирик савдо мажмуаси қад кўтариши туманнинг иқтисодиётини ривожлантиришига ҳамда аҳоли турмуш фаровонлигини оширишга ҳисса қўшиш билан бирга шаҳар қиёфасига ҳам ижобий таъсир кўрсатишини таъкидлашди. Фаоллар ва нуронийлар юрт тинчлиги ва бошланган ишлар ривожини сўраб дуога қўл очишди.