Чиқиндиларни бошқариш ва сиркуляр иқтисодиётни ривожлантириш агентлиги

Жорий йилнинг 19–21 июнь кунлари Тошкент шаҳрида ўтказилган “Эсо Эхпо Сентрал Ациа 2025” кўргазмаси доирасида чиқиндиларни бошқариш соҳасида бир қатор шартнома ва келишувларга эришилди. 

Жумладан, Экология вазири ўринбосари Жусипбек Казбеков ҳамда вазирлик ҳузуридаги Чиқиндиларни бошқариш ва циркуляр иқтисодиётни ривожлантириш агентлиги директори Шарифбек Ҳасанов иштирокида Ўзбекистон ва Қозоғистон ўртасида экологик барқарор ривожланишни илгари суриш бўйисҳа жами 4 та битим имзоланди. 

Хусусан, Ўзбекистон Республикаси Экология вазирлиги ҳузуридаги Чиқиндиларни бошқариш агентлиги ва Қозоғистонстон Республикасининг Яшил технологиялар ва инвестиция лойиҳалари халқаро маркази ўртасида «яшил» иқтисодиётга ўтишни жадаллаштириш, экологик тоза технологияларни ривожлантириш, чиқиндиларни самарали бошқариш ва «яшил» лойиҳаларга инвестицияларни жалб этиш мақсадида англашув меморандуми имзоланди.

Шунингдек, Агентлик Қозоғистоннинг «РеБин» компанияси билан ҳам чиқиндилар билан боғлиқ ишларни амалга ошириш соҳасида замонавий ечимларни ишлаб чиқиш ва қайта ишлашни ривожлантиришга қаратилган келишувлар олиб борилиб, меморандум имзоланди. 

Қолаверса, электрон чиқиндиларни қайта ишлаш соҳасида “Зеро Васте” МЧЖ санитар тозалаш корхонаси ҳамда “Течнис Дестрой” МЧЖ (Қозоғистон) билан ҳамда чиқиндиларни қайта ишлаш соҳасида “НО ВАСТE” МЧЖ ва “Фоод Васте” МЧЖ (Қозоғистон) билан англашув меморандуми тасдиқланди. 

Халқаро кўргазма доирасида экологик масалаларнинг энг долзарб бўғини бўлган чиқиндиларни бошқариш соҳаси бўйича республиканинг барча вилоятлари томонидан Хитой, Россия, Қозоғистон, Норвегия, Белоруссиянинг йирик компаниялари ҳамда турли маҳаллий чиқиндиларни қайта ишловчи ва соҳадаги техника-маҳсулотларни ишлаб чиқарувчи корхоналар иштирокида ҳам қўшимча 36 та шартнома имзоланиб, ҳамкорликлар келишиб олинди.

Хусусан:

— Бухоро вилоятида чиқиндини қайта ишлаб, цемент заводлари учун ёқилғи олиш, оқова сув тозалаш иншоотларини ўрнатиш, умумий овқатланиш шахобчалари учун фильтрлар ўрнатиш ва ер ости чиқинди контейнерларини ўрнатиш, пластик чиқиндилардан гул ва дарахтлар учун туваклар ишлаб чиқиш ва 10 дона қайта ишланадиган чиқиндиларни қабул қилувчи фондамат ускунасини харид қилиш бўйича; 

— Жиззах вилоятида озиқ-овқат, пластик, шиша ва алюминий чиқиндиларни қайта ишлаш ҳамда қаттиқ маиший чиқиндиларни ташиб кетиш учун кичик мотороллерлар харид қилиш бўйича;

— Навоий вилоятида озиқ-овқат чиқиндиларини қайта ишлаш бўйича;

— Наманган вилоятида маиший чиқинди қутиларини харид қилиш бўйича;

— Самарқанд вилоятида қоғоз ва органик чиқиндиларни ҳамда литий-ионли батарейкаларни қайта ишлаш бўйича;

— Сурхондарё вилоятида чиқиндиларни саралашга мўлжалланган фондамат етказиб бериш ҳамда чиқиндиларни утилизация қилиш бўйича;

— Сирдарё вилоятида маиший чиқинди полигонларида уларни қайта ишлаш технологиясини жорий этиш бўйича;

— Тошкент вилоятида литий-ионли батарейкаларни қайта ишлаш заводини қуриш ҳамда озиқ-овқат чиқиндиларини қайта ишлаш бўйича;

— Фарғона вилоятида органик чиқиндиларни қайта ишлашда тажриба алмашиш ҳамда қаттиқ маиший чиқиндиларни қайта ишлаш ва қурилиш чиқиндиларидан тайёр маҳсулот ишлаб чиқиш бўйича;

— Хоразм вилоятида иккиламчи полимер, пластмасса чиқиндиларни қайта ишлаш ҳамда этилен полимерлар, гранула ва маиший чиқинди контейнерларини етказиб бериш бўйича;

— Тошкент шаҳрида органик чиқиндиларни қайта ишлаш, батарейка ва электромобил батарейкаларини утилизация қилиш ва қайта ишлаш ҳамда оқова сув тозалаш иншоотларини қуришни лойиҳалаш ва биологик тозалаш ишларини олиб бориш бўйича меморандумлар имзоланиб, келишувларга эришилди.

Бир сўз билан айтганда, “Эсо Эхпо Сентрал Ациа 2025” кўргазмаси доирасида чиқиндиларни бошқариш соҳасидаги ҳамкорликлар экологик барқарорлик баробарида айланма иқтисодиётнинг ривожи учун ҳам аҳамиятли бўлди.