Андижонда чиқинди ёқиш заводи қурилишига старт берилди
2025-07-07 16:35:00 / Янгиликлар
Аввалроқ, Ўзбекистонда чиқиндиларни термик қайта ишлаш орқали электр энергияси ишлаб чиқариш лойиҳалари амалга оширилиши ҳақида хабар берган эдик.
Бугун, 7 июль куни Андижон вилояти Хўжаобод тумани ҳудудида Хитой Халқ Республикасининг “Чина Интернатионал Самсе” компанияси иштирокида барпо этилиши режалаштирилган маиший чиқиндиларни ёқиш орқали электр энергияси ишлаб чиқарувчи завод қурилишига старт берилди.
Мазкур лойиҳанинг умумий қиймати 140 млн АҚШ доллари миқдорида бўлиб, бу орқали кунига 1,5 минг тонна чиқинди қайта ишланиб, йилига жами 240 млн кВт/соат электр энергияси ишлаб чиқарилади. Завод 2025-2027 йилларда қурилиб, фойдаланишга топширлади ва унда 100 та янги иш ўрни яратилади.
Таъкидлаш жоизки, айни лойиҳалар ҳудудларда экологик вазиятни яхшилаш, чиқиндиларни қайта ишлаш соҳасига замонавий ечим ва технологияларни жорий этиш орқали электр энергияси ишлаб чиқариш, чиқиндиларни полигонларини камайтириш, қайта тикланувчи энергия манбаларидан фойдаланиш ва экологик барқарорликни таъминлаш ва зарарли моддаларнинг атмосферага тарқалишини чеклаши била аҳамиятлидир.
Ушбу чора-тадбирлар Ўзбекистон Республикаси Президентининг 2025 йил 24 март кунидаги "Қаттиқ маиший чиқиндиларни ёқиш орқали электр энергияси ишлаб чиқариш инвестиция лойиҳаларини амалга ошириш чора-тадбирлари тўғрисида" 116-сон қарори ижроси юзасидан амалга оширилмоқда.