Коррупцияга қарши курашиш йўлида тизимли ишлар амалга оширилмоқда
2025-07-04 14:05:00 / Янгиликлар
Чиқиндиларни бошқариш ва циркуляр иқтисодиётни ривожлантириш агентлиги томонидан “Аҳоли ва давлат хизматчиларининг ҳуқуқий онги ҳамда маданиятини юксалтириш, жамиятда коррупцияга нисбатан муросасизлик муҳитини шакллантириш” йўналишида тизимли ишлар амалга оширилмоқда.
2021 йил 6 июлдаги 5177-сонли Президент қарорига мувофиқ, Агентликда коррупцияга қарши ички назорат бўлими фаолияти йўлга қўйилди.
Амалга оширилаётган асосий чора-тадбирлар:
- Ходимлар учун мунтазам тренинг ва семинарлар ташкил этилмоқда;
- Ишга қабул қилиш очиқ танлов асосида амалга оширилмоқда;
- Давлат харидлари жараёнида очиқлик ва шаффофлик таъминланган;
- Коррупция ҳақида хабар бериш учун махсус ахборот каналлари ҳамда ишонч рақамлари ишга тушди;
- Ходимлар ўртасида коррупцион хавф-хатарларни аниқлаш мақсадида сўровлар ўтказилмоқда;
- “Коррупциядан холи соҳа” тамойили асосида кенг қамровли тарғибот ишлари йўлга қўйилган.
Коррупцияга қарши курашиш фақат назорат эмас, балки ҳар бир ходимнинг масъулиятли ёндашуви ва жамиятдаги адолатга бўлган ишончининг ифодасидир!