Ўзбекистон Республикаси Ички ишлар вазирлиги

Ички ишлар вазири ўринбосари генерал майор Баходир Юлдашевич Мирзарахимов Тошкент минтақасида темир йўл транспортида хавфсизликни таъминлаш бошқармаси ходимларининг хизмат фаолияти яқиндан кўздан кечирилиб, Тошкент шаҳар ва вилоят ҳудудларидан ўтувчи темир йўл изларида бахтсиз ҳодисаларнинг барвақт олдини олиш, хусусан, темир йўлга яқин жойлашган корхона ва ташкилотлар, таълим муассасалари, темир ва вокзал ишчилари, йўловчи фуқаролар ўртасида ҳуқуқбузарлик ва жиноятларнинг олдини олиш ва уларнинг профилактикаси, жамоат тартибини сақлаш, фуқаролар ҳушёрлиги ва огоҳлигини ошириш, амалдаги ўтказилаётган профилактик тадбирларни самарали тарғиб этиш, шу билан бирга хизматга жалб қилинган ходимлар ўртасида ижро интизоми, қонунчилик талабларига қатъий риоя қилишлари, ходимларнинг хизмат фаолияти устидан кунлик назоратни кучайтириш борасида бир қатор вазифалар белгиланди.

Шу билан бир қаторда вазир ўринбосари томонидан вокзал ҳудудларида йўловчи фуқаролар учун яратилган шароитлар кўздан кечирилиб, темир йўл ишчилари ва масъуллар томонидан хизмат кўрсатиш сифатини яхшилаш, йўловчи фуқаролар томонидан юзага келган муаммоларни ходимлар томонидан тезкорлик билан ҳал этилиши, шунингдек, Республикаси ҳудудларида йўловчи поездлар орқали мамлакатимизга ташриф буюраётган олий мартабали меҳмонлар ҳамда чет эл турист фуқароларининг сайёҳлик намойиши объектлари ҳудудларига элтувчи поездларда жамоат тартибини сақлаш, юзага келган муаммоларда бошқарма ходимларининг тезкорлик билан ҳал этилиши борасида бир қатор кўрсатмалар берилди.

Шунингдек, хизмат вазифасига сидқидилдан ёндашиб, жиноятчиликка қарши курашиш ва ҳуқуқ-тартиботни таъминлаш борасида ҳамкасблари орасида ўрнак бўлиб келаётган бир қатор ходимларга Ички ишлар вазирлигининг кўкрак нишони ҳамда ташаккурномалар билан бир гуруҳ ходимлар тақдирланди.

Шу билан бир қаторда узоқ йиллар давомида самарали меҳнат қилиб, ватан тинчлиги ва осойишталиги йўлида хизмат қилган бир гуруҳ ходимлар тантанали равишда нафақага кузатилди.

ИИВ Транспорт вa туризм объектларида хавфсизликни таъминлаш департаменти Ахборот гуруҳи