“25-октябр — Ички ишлар ходимлари куни муносабати“ билан ИИВ Транспорт ва туризм объектларида хавфсизликни таъминлаш департаменти бир гуруҳ ходимлари рағбатлантирилди
2025-10-28 09:05:00 / Янгиликлар
Мазкур тадбир Ўзбекистон Республикаси Давлат мадҳияси билан бошланиб, сўнг вазир ўринбосари генерал-майор Мирзарахимов Баходир Юлдашевич томонидан Юртбошимиз Мирзиёев Шавкат Миромонович ҳамда Ички ишлар вазирининг “25 октябр – Ички ишлар органлари ходимлари куни” байрам табриги ўқиб эшиттирилди.
Сўнг, Тадбир давомида хизмат вазифаларини виждонан бажараётган, жамоат хавфсизлигини таъминлаш, фуқаролар тинчлиги ва осойишталигини сақлаш йўлида алоҳида фаоллик кўрсатган Ўзбекистон Республикаси Президентининг Фармони билан мукофотланган Самарқанд вилояти Транспортда хавфсизликни таъминлаш бошқармаси Самарқанд аэропортида хавфсизликни таъминлаш бўлинмаси бошлиғи подполковник Худойбердиев Шерзод Сайфуллоевич “Шуҳрат” медали давра марказида топширилди.
Шунингдек, Транспорт ва туризм объектларида хавфсизликни таъминлаш департаменти марказий аппарати ҳамда ҳудудий бошқарма ва бўлинмаларининг бир гуруҳ ходимларига Ички ишлар вазирининг буйруғи билан, “Аъло хизматлари учун”, 1чи 2чи 3чи -даражали “Ички ишлар органларида бенуқсон хизматлари учун”, кўкрак нишонлари, ҳамда Ички ишлар вазирининг “Фахрий ёрлиғи”, эсдалик қўл соати, қимматбаҳо китоблар тўплами ва пул мукофотлари, Ипотекага олинган уй-жойнинг 25% миқдорида бошланғич суммаси 25 нафар ходимларга тантанали равишда топширилди .
Ҳамкорлик борасида олиб бораётган самарали меҳнатлари учун Ўзбекистон Республикаси Транспорт Прокурори томонидан 8 нафар ходим рағбатлантирилди.
Тақдирлаш маросимида кўрсатилган эътибор ва ҳурмат ички ишлар органлари ходимларининг меҳнатини муносиб қадрлаш билан бирга, уларни келгусида ҳам юксак натижаларга эришишга чорлайди.
ИИВ Транспорт ва туризм объектларида хавфсизликни таъминлаш департаменти Ахборот хизмати