Ички ишлар вазирлиги раҳбарияти Навоий вилоятида жойлашган 5-сон жазони ижро этиш муассасасидаги амалга оширилаётган ишлар билан танишди
2025-10-23 10:45:00 / Янгиликлар
Вазир ўринбосари жазони ижро этиш тизимида амалга оширилаётган ислоҳотлар самарадорлигини ошириш, маҳкумларни жамиятга қайтаришга қаратилган дастурларни янада такомиллаштириш муҳимлигини таъкидлади. Шунингдек, муассасадаги моддий-техника таъминотини яхшилаш, кадрлар малакасини ошириш ва замонавий ахборот технологияларини жорий этиш масалалари юзасидан масъул раҳбарларга тегишли тавсиялар берди.
Учрашув жараёнида маҳкумлар билан очиқ мулоқот ўтказилиб, уларнинг муаммо ва таклифлари тингланди. Хусусан, меҳнатга жойлаштириш, касбий малака ошириш, таълим олиш ҳамда соғлом турмуш тарзини қўллаб-қувватлаш масалаларига алоҳида эътибор қаратилди.
Ташриф якунида Вазир ўринбосари муассасада олиб борилаётган ишларга ижобий баҳо бериб, маҳкумларни қайта тарбиялаш ва жамият ҳаётига мослаштириш борасидаги ишлар изчил давом эттирилишини таъкидлади. Шу билан бирга, фуқаролар ҳуқуқларини таъминлаш, инсонпарварлик тамойилларига амал қилиш ва жазони ижро этиш тизимида очиқликни таъминлаш муҳим вазифа эканини қайд этди.
Навоий вилояти ИИБ Ахборот хизмати