Бухоро шаҳрида давом этаётган Марказий Осиё мамлакатлари ўртасидаги “CAVA College University Volleyball Championship 2025” халқаро мусобақасининг учинчи куни ҳам ниҳоятда қизғин ва ҳаяжонли руҳда ўтмоқда
2025-10-18 09:00:00 / Янгиликлар
Мазкур мусобақа жараёнини Бухоро вилояти Ички ишлар бошқармаси бошлиғининг ўринбосари, подполковник Авазбек Иномов шахсан бориб кузатди.
Ташриф чоғида у спортчилар ва томошабинлар учун яратилган шароитлар, тартиб-интизом ва хавфсизликни таъминлаш бўйича амалга оширилаётган ишларни ҳам ўрганиб чиқди.
Мусобақанинг бугунги баҳсларида, айниқса, Туркманистон терма жамоасининг қизлар гуруҳи ҳайратланарли ўйин намойиш этиб, томошабинларда катта таассурот қолдирмоқда.
Уларнинг жамоавий ҳаракати, чаққонлиги ва мусобақага бўлган масъулияти спорт мухлисларининг олқишига сазовор бўлди.
Мусобақа жараёни давом этмоқда, майдонда ғалаба иштиёқи, трибуналарда эса дўстлик, жипслик ва қўллаб-қувватлаш кайфияти ҳукм сурмоқда.
Бухоро вилояти ИИБ Ахборот хизмати