ИИВ Малака ошириш институтида Ички ишлар органлари ходимлари ўртасида коррупцияга қарши навбатдаги тарғибот тадбири бўлиб ўтди
2025-10-16 11:05:00 / Янгиликлар
Ички ишлар вазирлиги Малака ошириш институтида «ИИОнинг Барча даражадаги бўлим бошлиқлари, туман (шаҳар, тармоқ) ИИО бошлиғининг ўринбосари лавозимга тайинлаш учун«, «подполковник« махсус унвонини бериш учун малака ошириш ҳамда сафдор ва сержантлар таркибидан офицерлик лавозимларига тайинлаш учун қайта тайёрлов ўқув курсларида таҳсил олаётган тингловчилар билан вазирлик Шахсий хавфсизлик бош бошқармаси таълим муассасалари бўйича бўлими ходимлари томонидан хизмат интизоми ва қонунчилик талабларига риоя этишга бағишланган навбатдаги давра суҳбати ўтказилди.
Тадбирда, тингловчиларга хизматга совуққонлик билан қарамаслик, порахўрлик ва тамагирлик ҳамда коррупцион ҳолатларга йўл қўймаслик, ваколатдан четга чиқмаслик, фуқаролар билан мулоқотда хушмуомалада бўлиш юзасидан зарурий тушунтиришлар берилди. Шундан сўнг, «Нафснинг сўнгги манзили» номли фильм намойиш этилди.
Тингловчиларнинг қизиқтирган саволларига атрофлича жавоблар берилди.
ИИВ Малака ошириш институти матбуот хизмати