Сурхондарё вилояти «Жасорат мактаби» тарбияланувчилари манзил-колонияда бўлишди
2025-10-14 21:15:00 / Янгиликлар
Жарқўрғон туманидаги ҳарбий қисмда ташкил этилган ўқув йиғинида, ёшлар ўзларининг билим савияларини, ватанга бўлган муҳаббатини янада ошириш борасида ўтказилаётган ўқув машғулотлари билан бирга уларга ҳаётий воқеликлар мисолида ҳам тарбиявий машғулотлар олиб борилмоқда.
Худди шундай машғулотлардан бири саёҳат тарзида ташкил этилди. Бунда ёшлар Шеробод туманидаги 4-минтақавий ҳудуд 41-сон манзил колониясига олиб борилиб, ушбу масканда жазо муддатини ўтаётганларнинг ҳаёти билан яқиндан танишишди. Улар билан суҳбатлашилди.
Қилинган саёҳат давомида, ўзларининг келажаги учун тўғри йўлда юриш, ўз билим савияларини ошириш, ҳуқуқбузарлик ва жиноят оламидан узоқ юриш, салбий хатти-ҳаракатларнинг оқибати яхшилик билан тугамаслиги бўйича ўзларига тўғри бўлган хулосаларга эга бўлишди.
Сурхондарё вилояти ИИБ Ахборот хизмати