Ўзбекистон Республикаси Ички ишлар вазирлиги

6 октябрь куни Гендерга оид аудиторлар гуруҳи Ички ишлар вазирлиги Ташкилий департаменти Юридик таъминлаш бошқармасида бўлиб, Ўзбекистон Республикаси Вазирлар Маҳкамасининг “Норматив-ҳуқуқий ҳужжатлар ва уларнинг лойиҳаларини гендер-ҳуқуқий экспертизадан ўтказиш тартиби тўғрисидаги низомни тасдиқлаш ҳақида”ги қарорига мувофиқ Вазирлик соҳавий хизматлар томонидан ишлаб чиқилган норматив-ҳуқуқий ҳужжатларни гендер-ҳуқуқий экспертизадан ўтказиш бўйича ўрганишлар олиб борди.

Шундан сўнг Гендерга оид аудиторлар гуруҳи Жамоат хавфсизлиги департаментида бўлиб, ходимларга яратилган шароитлар, хизмат хоналари кўздан кечирилди, Жамоат тартибини сақлаш хизмати ходимлари томонидан тизимли амалга оширилаётган янги инновациялар билан танишди.

Шунингдек, Йўл ҳаракати хавфсизлиги хизматига ташриф буюрди ва Йўл ҳаракати хавфсизлиги хизмати Ташкилий бошқарма бошлиғи томонидан ходимларга яратилган шароитлар, хизмат хоналари кўрсатилди. Навбатчилик қисми, янги хизматга келган ходимнинг амалиёт ўташи учун мўлжалланган хизмат хонаси, йўлларга қўйилган кузатув камералари турлари, йўл белгилари туширилган хоналар ҳамда эркак ва аёл ходимларнинг хизмат режими бўйича маълумотлар ўрганилди.

Қолаверса, Йўл ҳаракати хавфсизлиги хизмати бошлиғи ўринбосари, полковник иштирокида тизимда бўлаётган янгиликлар ва амалга оширилаётган ишлар бўйича семинар ўтказилди.

Бундан ташқари, соҳавий хизматлар фаолиятида кадрлар сиёсатини олиб боришда хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисидаги қонунчилик талабларига риоя этилиши, шунингдек, гендерга доир комплекс ёндашув ҳолати бўйича атрофлича таништирилди.

Шунингдек, Ички ишлар вазирлиги аппарати ва ҳудудий бўлимлари шахсий таркиби ўртасида саволнома ҳам ўтказилди. Саволномада 3000 дан ортиқ ходимлар иштирок этдилар.