Наманган вилояти ИИБ раҳбарияти ва ёш ходимлар ўртасида «Раҳбар ва ёшлар учрашуви» ўтказилди
2025-10-09 09:00:00 / Янгиликлар
Бугунги кунда барча соҳаларда бўлгани каби, ички ишлар органларида ҳам ёш ходимларни профессионал кадрлар сифатида шакллантириш, хорижий давлатларнинг илғор тажрибалари асосида уларнинг билим ва малакасини ошириш, шунингдек, уларни Ватанга садоқат ва хизмат қасамёдига содиқлик руҳида тарбиялаш бўйича бир қатор устувор вазифалар белгилаб берилган.
Шу муносабат билан бугун Жамоат тартибини сақлаш бошқармаси биносида Наманган вилояти ИИБ раҳбарияти томонидан ички ишлар органлари тизимида хизмат қилаётган ёш ходимлар билан «Раҳбар ва ёшлар учрашуви» ташкил этилди.
Тадбир давомида ёш ходимларнинг фикр-мулоҳазалари, таклиф ва муаммолари тингланди.
Шунингдек, уларга хизмат фаолияти жараёнида хизмат интизомини мустаҳкамлаш, қонунчилик талабларига қатъий риоя этиш, фуқаролар билан муомала маданиятини ошириш ҳамда касбий маҳоратни доимий равишда ривожлантириб бориш юзасидан тавсиялар берилди.
Мазкур тадбир доирасида хизматда ўзини ижобий томондан кўрсатган бир гуруҳ ёш ходимлар Наманган вилояти ИИБ раҳбарияти томонидан эсдалик қўл соатлари, ташаккурнома, фахрий ёрлиқ, эсдалик совғалари ва пул мукофотлари билан тақдирландилар.
Наманган вилояти ИИБ Ахборот хизмати