Бухоро вилояти ИИБ раҳбарияти томонидан аралаш жанг санъати (ММА) ассоциациясининг вилоят бўлими вакиллари, мураббийлар ҳамда фаол спортчилар иштирокида учрашув ўтказилди
2025-10-09 09:00:00 / Янгиликлар
Дастлаб, йиғилиш бошида Ички ишлар вазири Азиз Тошпулатовнинг аралаш жанг санъатлари (ММА) ассоциациясининг янги раиси этиб тайинланганлиги алоҳида таъкидланиб, йиғилиш иштирокчиларига таништирилди.
Шу билан бирга, мазкур тайинлов мамлакатимизда ушбу спорт турининг янада ривожланишига, ёшлар учун кенг имкониятлар эшигини очишга, профессионал спортчилар сафини кенгайтиришга ҳамда соғлом ва маънавий етук авлодни тарбиялаш йўлидаги саъй-ҳаракатларни янги босқичга олиб чиқишга хизмат қилиши қайд этилди.
Видеоконференсалоқа тизими орқали ўтган йиғилиш давомида, ММА спорт турини янада оммалаштириш, ёшлар ўртасида соғлом турмуш тарзини тарғиб қилиш, спорт орқали жиноятчилик ва ҳуқуқбузарликларнинг олдини олиш масалалари муҳокама қилинди.
Шунингдек, мураббийларнинг касбий маҳоратини ошириш, спорт инфратузилмасини мустаҳкамлаш, замонавий спорт заллари ва зарур жиҳозлар билан таъминлаш бўйича амалий таклифлар илгари сурилди.
Учрашувда спортчилар учун қулай шароит яратиш, уларнинг мусобақалардаги иштирокини рағбатлантириш, ёшлар ўртасида ММА бўйича шаҳар, туман ва вилоят миқёсида мунтазам турнирлар ташкил этиш зарурлиги таъкидланди.
Бухоро вилояти ИИБ раҳбарияти ушбу йўналишда амалга ошириладиган ишлар ёшларни соғлом, ватанпарвар ва маънавий етук инсонлар этиб тарбиялашда муҳим ўрин тутишини қайд этди.
Бухоро вилояти ИИБ Ахборот хизмати