Тошкент вилояти ИИББ раҳбарияти томонидан навбатдаги фуқаролар қабули ўтказилди
2025-10-07 13:10:00 / Янгиликлар
Тошкент вилояти ИИББ биносида аҳоли муаммоларини ижобий ҳал этишга қаратилган очиқ мулоқот шаклидаги шахсий қабули бўлиб ўтди. Қабул давомида фуқароларнинг мурожаатлари ИИББ бошлиғи, полковник Абдувосит Абдуразаков томонидан кўриб чиқилди.
Фуқаролар ички ишлар органлари фаолиятига оид масалалар, жумладан, хизматга тиклаш, хизматга кириш, тергов-суриштирув, жиноят-қидирув, ҳуқуқбузарликлар профилактикаси йўналишларидаги муаммолар юзасидан мурожаат қилишди. Уларнинг ҳар бири тингланиб, тегишли чоралар кўрилди.
Мурожаатлар қонуний тартибда кўриб чиқилиб, уларни ҳал этиш бўйича масъулларга топшириқлар берилди ва ижроси назоратга олинди. Эслатиб ўтамиз, вилоятнинг барча шаҳар ва туманларида ҳам ҳудудий ИИБ раҳбарларининг шахсий қабуллари ташкил этилган.
Тошкент вилояти ИИББ Ахборот хизмати