Қашқадарё вилоят ИИБ ЖХХ ЙҲХБ томонидан жамоатчилик асосида кўмаклашувчи «Йўл посбони»лари фаолиятини ташкил этилди
2024-04-06 13:55:00 / Янгиликлар
Транспорт воситалари жамиятда катта ижтимоий ўзгаришларга олиб келиб, фуқароларимизнинг моддий имкониятлари шахсий транспортга бўлган эҳтиёжини кучайтирмоқда. Мамлакатимизда автомобиль саноатининг ривожланиб бораётганлиги йўлларда транспорт воситаларининг кескин кўпайишига олиб келмоқда.
Ҳозирги кунда, вилоятмиз аҳолиси сони 3 560 633 нафар, транспорт воситалари сони 367 066 та, автомобиль йўллари узунлиги 22 035 километр, мактаблар сони 1225 тани, шундан йўл ёқасида жойлашган мактаблар 393 тага етди.
Ўзбекистон Республикаси ИИВнинг 2018 йил 11 июнь кунидаги «Давлат йўл ҳаракати хавфсизлиги хизматига жамоатчилик асосида кўмаклашувчи «Йўл посбони» тўғрисидаги низомини тасдиқлаш ҳақида»ги 162-сонли буйруғига асосан Қашқадарё вилоят ИИБ ЖХХ ЙҲХБ томонидан жамоатчилик асосида кўмаклашувчи «Йўл посбони»лари фаолиятини ташкил этилди.
Жумладан; 2022 йилда 127 нафар 2023 йилда 234 нафар, жами 361 нафар кўнгиллилардан «Йўл посбон»лари олиниб, таркибий тузилмада 7 нафар ОАВ ҳамда жамоатчилик вакиллари, 49 нафар фидокор ёшлар ва 178 нафар умумтаълим мактаби ўқитувчиларидан ташкил топган. Уларга хизматда фойдаланиш учун STOP белгиси, йўл посбони камзули (жакет) ҳамда йўл посбони бейжиклари тайёрланган рухсатномалар тарқатилиб, уларнинг имкониятларидан ҳудудлардаги умумий ўрта таълим мактаблари ва пиёдалар ўтиш йўлакларида пиёдалар билан боғлиқ йўл-транспорт ҳодисаларининг олдини олиш мақсадида фойдаланиб келинмоқда.
Бугун яна жамоатчилик вакилларидан 80 нафар кўнгилли «Йўл посбон»лари танлаб олиниб, келгусида улар имкониятидан ҳам самарали фойдаланиш кўзда тутилган.
Биз ҳаракат хавфсизлигини таъминлашда барча куч ва имкониятларимиздан оқилона фойдаланиб, ҳаракат қатнашчиларини йўл интизомига қатъий амал қилишларига эришсак, ҳодисалар сони камайиб, кўплаб инсонларнинг ҳаётини ва саломатлигини сақлаб қоламиз.
Шу ўринда эслатиб ўтамизки, Йўл посбони сифатида фаолият юритиш истагида бўлган кўнгилли фуқароларимизни Қашқадарё вилояти ИИБ ЖХХ ЙҲХБга мурожаат этишларини сўраб қоламиз.
Қашқадарё вилояти ИИБ Ахборот хизмати