Волейболни ривожлантириш борасидаги ислоҳотлар ижроси доирасида Қашқадарё вилоятида амалий чора-тадбирлар белгиланди
2025-10-05 11:35:00 / Янгиликлар
Жумладан, вилоят ИИБ бошлиғи, Волейбол федерацияси вилоят кенгаши раиси полковник Абдувохид Исмоилов иштирокида кенгайтирилган йиғилишда вилоят спорт бошқармаси, Ёшлар ишлари агентлиги, Қарши давлат университети, вилоят М ва МТБ масъуллари, шаҳар-туманларда фаолият кўрсатаётган волейбол бўйича тренерлар иштирок этди.
Тадбирда мамлакат чемпионатида иштирок этадиган ўғил ва қизлар терма жамоаларининг машғулот олиб бориш жараёни билан танишиб, жамоалар билан суҳбатлашди.
Бошқарма бошлиғи воҳанинг шаҳар-туманларида фаолият юритаётган волейбол тренерлари билан ҳам суҳбатлашиб, уларнинг таклиф ва муаммоларини тинглади.
Муаммоларни ҳал этиш бўйича масъулларга вазифалар юклатилиб, тегишли чора тадбирлар белгиланди.
Қашқадарё вилояти ИИБ Ахборот хизмати